Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

РИМ ОШОНЬ КЕМИКУРОНТЕНЬ ПАВОЛОНЬ СЁРМАЗО

Глава 13

Кунсолодо масторонь ветицятнень!

1Эрьва ломанентень эряви кунсоломс масторонь ветиця прявтнэнь. Эдь арась истямо прявт, кона улевель аволь Пазонть пельде. Весе мастортнэнь прявтнэнь путынзе Пазось.2Секскак, кие моли прявтнэнь каршо, се моли Пазонь аравтоманть каршо. Истя теицятне сынсь эсь лангозост таргить чумондома.3Эдь ветицятне улить тандавксокс зыянонь теицятненень, аволь паронь теицятненень. Улиндеряй мелеть а пелемс прявтнэде, сестэ тейть паро, ды сынь шнатадызь тонь.4Прявтнэ Пазонь важот ды кандыть тонеть паро. Ансяк бути тон теят зыян, сестэ пельть, эдь сынь аволь стяко кандтнить торот. Сынь Пазонь важот ды пандсызь кеженть зыянонь теицятненень.5Секскак, эряви кунсоломс прявтнэнь, аволь ансяк Пазонь кежень пандоманть кисэ, истя жо оймеёжонь вешеманть кисэ.6Те тувталонть кувалт тынь пандтадо каявкст-налогт. Зярдо прявтнэ топавтыть парсте эсь тевест, теньсэ сынь важодить Пазонтень.7Истя вана, максодо-пандодо тенст сень, мезесь эрьвантень эряви: кинень каявкс эли кодамояк пандома, кинень ловома эли шнамо.

8Киненьгак мейсэяк илядо кадово долксо – вейкень-вейкень вечкема долгтонть башка. Кие вечксы лиянть, се уш топавтынзе Коень вешематнень.9Весе кармавтовкстнэ – «иля ускуря», «иля маштне», «иля сала», «иля кенгеле», «иля кайсе сельметь...» – неть кармавтовкстнэ ды весе лиятнеяк вейсэндявить вейкес: «вечкть малавиксэть кода эсь прят».10Вечкемась а теи малавиксэнтень кодамояк зыян. Истямо ладсо, вечкемась – Коень весе вешематнень топавтома.

Чись малавгали

11Тынь содатадо, кодамо ней шкась: сась уш миненек шка сыргоземс удомадо. Эдь минек идемась ней седе маласо се шканть коряс, зярдо минь ансяк совинек кемемантень.12Весь юты, чись малавгады. Секскак ёртсынек чоподань тевтнень ды каясынек лангозонок валдонь оршамопельтнень, кода кедьёнкст.13Эрьга, карматано эрямо истя, кода те эряви чинь валдосо: ламо ярсамонь сэвемас ды винас прянь апак кая, визьксэнь мельс апак пра ды апак ускуря, апак сёвно ды сельмень апак сявадо.14Вельтяводо Иисус Христос Азоросонть кода оршамопельсэ! Ды лоткадо ней колазь обуцянк васькавтомадо ды сонзэ визькс мелензэ топавтомадо!


предыдущая глава Глава 13 следующая глава