Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ИОАННОНЬ ВАСЕНЦЕ СЁРМАЗО

Глава 1

1Седе, мезе ульнесь ушодксстонть саезь, мезе минь маринек ды неинек эсенек сельмесэ, мезе мельга минь ванкшнынек ды мезес токшесть кедьёжонок – Эрямонь раштыця Валонть эйстэ минь ёвтнетяно.2Те эрямось панжовсь, ды минь сонзэ неинек. Ды секскак кортатано кода неицят-содыцят ды пачтятано тыненк те пингеде пингень эрямодонть, кона ульнесь Тетянть марто ды панжовсь минек туртов.3Сень, мезе минь неинек ды маринек, пачтятано ней тыненк. Ды истя тыньгак ультядо вейсэндязь минек марто. Минь вейсэндязь Тетянть ды Сонзэ Иисус Христос Цёранзо марто.4Ды секскак теде сёрмадтано тыненк: эсенк кенярксонть пештямонь-топавтомань кисэ.

Пазось – те валдо

5Ды вана кодамо те кулясь, конань минь маринек Сонзэ пельде ды пачтятано тыненк: Пазось – те валдо, ды Сонзэ эйсэ арась кодамояк чопода.6Бути мертяно: «Минь вейсэндязь Пазонть марто», – ансяк теке шкане яла эрятано чоподасонть, сестэ минь кенгелетяно ды а эрятано видечинть коряс.7Ансяк бути минь эрятано валдосонть, кода Сонсь Пазось – валдосо, сестэ минь вейсэндязь вейкенек-вейкенек марто, ды Иисус Христосонь, Пазонь Цёранть, вересь ванськавты минек эрьва кодамо пежетте.8Бути мертяно: «Миньсэнек арась пежетень видьме», – сестэ манчетяно эсь прянок, ды видечи миньсэнек арась.9Ансяк бути видькстатано Пазонть икеле эсенек пежетнеде, сестэ Пазось нолдасынзе минек пежетнень ды ванськавтсамизь эрьва кодамо авиде тевде, эдь Сон свал кемевикс ды теи видечинть коряс.10Бути мертяно: «Минь эзинек совсе пежетьс», – сестэ минь тейтяно кенгелицякс Пазонть, ды Сонзэ валозо минек эйсэ арась.


предыдущая глава Глава 1 следующая глава