Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПЕТРАНЬ ВАСЕНЦЕ СЁРМАЗО

Глава 5

Пазонь кемикурось ды сонзэ ветицянзо-ваныцянзо

1Мон монськак ветицян-ваныцян ды Христосонь майсематнень-пиштематнень неицян-содыцян ды курок панжовиця инексчинзэ явицян. Секс мон ней кемикуронь ветицятнень-ваныцятнень икеле энялдан:2ванодо Пазонь стаданть, конань Сон кадызе тынк лангс. Мельганзо ванодо паро мельсэ, кода вечкеви Пазонтень, аволь секс, мекс истя тыненк кармавтозь. Тееде те тевенть седейшкава, мелень путозь, аволь ярмакс правтомань кисэ.3Илядо уле кежей азорокс Пазонть кедь ало улицянть лангсо. Мекевланк, уледе паро невтемакс стадантень.4Зярдо сы весемеде Покш Ваныцясь, сестэ Сон тыненк максы инексчинь апужиця каштаз.

5Тынь жо, одтнэ, максынк прянк кемикуронь прявтнэнь кедь алов. Ды весе тынь сэтьместэ максынк прянк вейкенк-вейкенк кедь алов, кинь икелеяк апак покшкавтне. Сёрмадовкссояк истя ёвтазь:
«Пазось моли прянь верьга кандыцятнень каршо,
сэтьметненень жо Сон максы чансть».
6Истя вана, сэтьместэ максынк прянк Пазонть виевдеяк виев кедензэ алов, ды аравтозь шкасто Сон тынк кепедтядызь.7Весе эсь ризксэнк ды мелявксонк путынк-каинк Сонзэ лангс, эдь Сон мелявты тынк кисэ.

8Уледе валдо превсэ, свал ванодо: тынк душманось, Идемевсесь, яки-азгонди пертьпельга ирныця лев ладсо ды вешни, кинь тензэ нилемс.9Аштеде каршонзо а синдевикс кемемасонк. Нама, тынь содатадо: истят жо майсемат савкшныть печтямс-кирдемс тынк кемиця ялгатнененьгак весе масторонть лангсо.10Ялатеке тыненк майсемс-пиштемс сави аволь кувать. Пазось, эрьва кодамо чанстень лисьмапрясь, тердимизь минек явомс Христос Иисус марто вейсэндямонк вельде Эсензэ пингеде пингень инексчинть. Сон Сонсь тынк кадык пурнатадызь-сэрнятадызь ды кемекстатадызь, кадык виевгавттадызь ды тейтядызь цидярдыцякс.11Сонензэ улезэ инексчи ды азорксчи пингеде пингес! Аминь.

Меельце паро арсемат

12Силуанонь кедьстэ, конань мон лован кемевикс кемиця ялгакс, мон нурькинестэ сёрмадстыя тенк те сёрманть. Арсян кепедемс меленк ды кемевтемс тынк: мезде ёвтазь те сёрмасонть, – те Пазонь алкуксонь чансть. Кеместэ тынь аштеде-кирдеведе эйсэнзэ!13Шумбрат-парт кучить тенк Пазонь кочкавт тынк кондямо кемикурось Вавилонсо ды Марк, кона монень теевсь цёрань кондямокс.14Шумбракстнеде вейкенк-вейкенк марто вечкемань паламосо. Седейоймамо весенень тыненк, кить вейсэндявсть Христос Иисус марто! Аминь.


предыдущая глава Глава 5 следующая глава