Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ЯКОВОНЬ СЁРМАЗО

Глава 5

Сюпавтне улить чумондозь

1Ней, вана, кунсолодо тынь, сюпавтне! Авардеде, лайшеде кажотнеде, конат кармить прамо лангозонк.2Тынк сюпавчинк наксадсь, ды оршамопеленккак сэвинзе ки сукс.3Тынк сырненк ды сиянк чемениясть. Те чеменесь ашти тынк каршо чумондыцякс ды сэвсы-нильсы тынк сывеленккак теке тол. Тынь таштыде-пурныде эстенк сюпавчи неть меельце читнестэ!4Тынь жо эзинк пандо важодема питненть паксясонк нуицятненень, ды сынь пижнить-рангить. Сюронк пурныцятнень пеняцямост пачкодсть Весеменькирди Азоронть пилес!5Тынь эриде сюпавчисэ, витниде-петниде седеенк моданть лангсо. Тынь андынк-куялгавтынк эсь прянк теке печкема чинень.6Тынь судинк ды маштынк чумовтомонть, сон тынк каршо эзь моле.

Учодо цидярдозь Азоронь самонть

7Истя, кемиця ялгат, уледе кувать цидярдыцякс Азоронть самонзо учомсто. Ванодоя, кодамо кирдема марто сокицясь-видицясь учи, зярс модась а максы питнейдеяк-питней сюро ды а туить сёксень ды тундонь пиземетне.8Тыньгак истя жо уледе кувать цидярдыцякс, кемекстынк эсь седеенк, эдь Азоронть самось маласо.9Кемиця ялгат, илядо пеняця-музгорде вейкенк-вейкенк лангс – судязь тенк а улемга. Ванодо, судиясь уш ашти кенкш лангсо.10Кемиця ялгат! Майсематнень кирдемань ды цидярдомань невтевксэкс саинк пазмарицятнень, конат кортыльть Азоронть лемензэ пельде.11Истя, уцяскавкс минь ловтано сетнень, конат печтизь-кирдизь весементь. Тынь мариде Иовонь цидярдомадонть ды содатадо седе, кодамо эрямонь пе Азорось макссь сонензэ. Эдь Азорось седеймариця ды чевте седей.

Илядо божа-пежетькста

12Васняяк, кемиця ялган, илядо божа-пежетькста менеленть эйсэяк, моданть эйсэяк, эли кодамояк лия пежетькстамосояк. Улезэ тынк валонк ансяк «эно», бути алкукс меленк ёвтамс «эно», эли ансяк «арась», бути алкукс меленк ёвтамс «арась» – сестэ тынь а понгтадо судямос.

Озноманть виезэ

13Бути кияк тынк ютксто майси, кадык сестэ сон озны. Бути кие мельспаросо, се кадык моравты Пазонь шнамо морот.14Бути кияк юткстонк сэреди, сестэ кадык тердьсызь кемикуронь прявтнэнь ды кадык сынь озныть кисэнзэ ды Азоронть лемсэ ваднесызь сонзэ елейсэ.15Кемема марто озномась идесы сэредицянть, ды Азорось стявтсы сонзэ пильге лангс. Бути сон тейсь пежеть, сестэ нетнеяк нолдавить-простявить тензэ.16Секс ёвтадо-видькстадо вейкенк-вейкенк туртов эсь пежетенк эйстэ ды ознодо вейкенк-вейкенк кисэ. Сестэ тынь ультядо шумбралгавтозь. Ламо теи видечисэ ломанень виев озномась!17Илия ульнесь истямо жо минек кондямо ломань. Сон пек ознось: илязо уле пиземе. Ды пиземесь моданть лангс эзь пракшно колмо иеть ды кото ковт.18Сон таго ознось, ды менелесь макссь пиземе, ды модась чачтась-кастась урожай.

Кадовозенть виде ки лангс путома

19Кемиця ялган! Бути кияк тынк эйстэ туи видечинь кистэнть ве ёнов, ды кияк велявтсы сонзэ мекев,20сестэ содадо: се ломанесь, кона велявтсы пежетевенть авиде ки лангстонть, идесы сонзэ оймензэ куломадо ды вельтясынзе ламо пежетензэ.


предыдущая глава Глава 5 следующая глава