Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ЯКОВОНЬ СЁРМАЗО

Глава 3

Онкстядо-кирдеде эсь келенк

1Кемиця ялган, кадык аволь ламот эйстэнк бажить улемс тонавтыцякс! Кода тынь содатадо: минек, тонавтыцятнень, учи седеяк покш судямо.2Эдь минь весе ламосо пупордькшнетяно. Кие а пупордькшни кортамсто, се ломанесь уш теевсь асатыкстэмекс, ды сонзэ саты виезэ онкстямс весе эсензэ рунгонзояк.3Бути минь онкстятано лишменть ды теньсэ сонзэ кармавттано минек кунсоломо, сестэ весе сонзэ рунгось миненек ветяви тов, ков эряви.4Эли жо покш венчтне: кадык сынь истят покшт ды канднить-пансить эйсэст виев вармат, ялатеке сынь велявтовить пек вишине рульсэнть тов, ков ветицянть мелезэ.5Истя келенть мартояк: сон рунгонь вишкине пелькс, а прянзо шны покш тевсэ. Вантая, кодамо вишкине сяткинесь ды кодамо покш вирь сон кирвазти!6Ды келеськак истямо сяткине, прок зыянсо пештязь масторланго. Сон ашти минек рунгонь пелькстнэнь ютксо истямокс, кона теи аваньксэкс весе рунгонть ды кирвазти толсо минек весе эрямонь кинть ды сонсь кирвазтеви тоначинь толонть эйстэ.

7Ломанентень кармавтовить ды сон кармавтынзе кунсоломо эрьва кодат идем ракшатнень, нармунтнень, ёзмолдыцятнень ды иневедень ракшатнень.8А келесь жо кодамояк ломаннень а тееви кунсолыцякс! Сон а кирдевиця зыян, пештязь куловтыця ядсо!9Кельсэнть минь шнатано-чанстятано Пазонть ды Тетянть, ды теке жо кельсэнть сюдотано ломантнень, конат теезь Пазонть чачонзо кондямокс.10Теке жо кургстонть лисить шнамо ды сюдома. Кемиця ялган, истя илязо ульне!11Чавкшны а чавкшны вейке лисьмапрясто ламбамо ды чапамо ведь?12Кемиця ялган, кандокшны а кандокшны инжир чувтось ойумарть эли винаумарькс – инжирт? Истя жо вейке лисьмапрясто а чудекшни салов ды ламбамо ведь.

Алкуксонь превейчи

13Кие тынк ютксо превей ды чарькодиця ломань? Кадык сон тень невтьсы паро эрямосонзо ды тевсэнзэ, конатне теевить сэтьместэ превейчи марто.14А бути тынк седейсэнк ули сельмень раужо сявадома ды бажамо ансяк эсь мелень топавтомас, сестэ илядо шна прянк, илядо кенгеле видечинть лангс!15Те аволь се превейчись, кона валги верде. Сон масторлангсто, идемевстнень пельде, аволь Пазонь Оймеялтонть пельде!16Эдь косо ули сельмень сявадома ды бажамо ансяк эсь мелень топавтомас, тосо минень-сюнонь лув ды эрьва кодамо амазы тевть.17А вана се превейчись, кона верде, васенцекс, ванькс, мейле ладямонь теиця, чевте седей, мелень ваныця, пештязь седеймарямосо ды паро тевсэ, ломанень вейкетькс ловиця ды сельмс кортыця.18Ладямонь видьмесь, конань видить ладямонь теицятне, чачты-рашты видечи.


предыдущая глава Глава 3 следующая глава