Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеРуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

Мазыйдеяк мазый Моронь книгась

СОЛОМОНОНЬ МОРО

(Тейтересь:)
1Вень перть ацавксом лангсо вешнинь сень,
   кинь вечксы монь оймем.
   Вешнинь эйсэнзэ ды эзия муе.
2(Сестэ меринь эстень:)
   «Ужо, стян, сырган ошканть,
   ютасынь кужонзо ды куронзо –
   карман вешнеме сень,
   кинь вечксы монь оймем».
   Вешнинь эйсэнзэ ды эзия муе.
3Вастымизь ванстыцятне,
   конат якить-ютнить ошканть:
   Кевкстинь: «Эзинк нее сень,
   кинь вечксы монь оймем?».
4Ансяк туинь ваксстост,
   муия сень, кинь вечксы монь оймем.
   Кеместэ кутмордыя ды эзия нолда сонзэ,
   зярс эзия ветя тиринь авань кудос,
   чачтыцям-раштыцям удома нупальс.*а

5– Иерусалимень тейтерть!
   Максан тенк кемедеяк кеме кармавтома,
   кармавттадызь пежедькстамо
   пандонь мазый сеятнесэ эли паксянь сёкантнесэ:
   илядо сыргозте вечкеманть,
   илядо токше таркастонзо,
   зярс сонсь а саи мель сыргоземс-стямс!

Колмоце моро

(Иерусалимень тейтертне:)
6Мезе те истямось,
   качамонь палмантнень ладсо чаво модасто сыцясь?
   Миррасо ды фимиамсо сувтавицясь,
   омбо масторонь эрьва кодамо тантей човорявкссо качадыцясь?
7Ванодо: те Соломононь паланкинэсь!*б
   Перьканзо кодгемень виев ушмант,
   Израилень сехте виевтне-кочказтне.
8Эрьванть кедьсэ торо,
   сынь ёроковт покш тюремасо.
   Эрьванть торозо понгавтозь рунгонзо кувалма,
   анокстазь вень тандавкстнэнь каршо.
9Соломон инязорось теевтсь эстензэ паланкин
   Ливанонь сехте паро чувтосто.
10Палманензэ теезь сиясто,
   алксозо-удалксозо – сырнестэ,
   озамо тарказо – чопода-якстере питней коцтсто.
   Потмонзо вечкезь пурнызь-мазылгавтызь
   Иерусалимень тейтертне.*в
11Лиседе, Сиононь тейтерть!
   Мельспаросо варштадо Соломон инязоронть лангс.
   Сон каштазсо, конань путызе прязонзо авазо
   сонзэ урьвакстома чистэнть,
   сонзэ седеенть кенярдома чистэнть!

*а 3.4 Тейтеренть туртов пек лововикс вечкевиксэнзэ марто вастовоманть ютавтомс се таркасонть, косо сонсь сюлмавсь аванзо потсо.

*б 3.7 Паланкин – озамо эли (пельс)мадема тарка марто кандомапель, кемекстазь кавто кувака жолга лангсо, конатнень пест путневить кандыцятнень лавтовост лангс.

*в 3.10 Эли: Потмозо весе мазылгавтозь-пештязь вечкемасо. Иерусалимень тейтерть!

 Глава 3