Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 81
Пазось весемеде покш судия
Асафонь псалмась.
1Пазось стясь ламо пазтнэнь ютксто,
кармась сынст судямо:
2«Зярс тынь карматадо аволь видестэ судямо
ды аштеме зыяновтнень кисэ?
3Уледе нежекс лавшонтень ды урозонтень,
аштеде пиштицянть ды нужалицянть кисэ.
4Идеде лавшонть ды арасьчисэнть,
нельгеде сынст зыяновтнень кедьстэ.
5Тынь мезеяк а содатадо,
мезеяк а чарькодтядо,
чоподасо якатадо.
Моданть весе юронзо чатыть.
6Мон кортан: тынь пазт,
тынь весе Верепазонть цёранзо.
7Ялатеке тынь кулотадо, кода весе ломантне,
ды пратадо, кода эрьвась чинязтнэнь эйстэ».
8Пазом, стяк△, тейть суд моданть лангсо,
эдь Тонеть максовить весе раськетне!
Глава 81
