Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 80
Раськем, бути тон кунсоловлимик Монь!
1Моравтомань ветицянтень. Гефа△ седямопель марто. Асафонь псалмась.
2Кенярдозь морадо Пазонтень, минек виентень!
Кецязь серьгедеде Иаковонь Пазонтень!
3Ушододо шнамоморо, седядо тимпансо,
чевте вайгель арфасо ды лирасо.
4Пувадо торамосо од ковонь чачомсто,
ковонь пешксе шкастонть△, минек покшчистэнть.
5Те кой Израиленть туртов,
кармавтома Иаковонь Пазонть пельде.
6Сон аравтызе тень мельследстямокс Иосифнень,
зярдо сон лиссь Египетэнь масторстонть,
косо марясь кортамо, конань икеле эзизе марсе:
7«Мон саия лавтовот лангсто покш сталмонть,
ды тонь кедеть олякстомсть стака куйметнеде*а.
8Кажосо улемстэть тон тердимик –
ды Мон идитинь тонь.
Пурьгине пель потсто Мон маритинь тонь.
Мериввань веденть вакссо варчавтнитинь тонь.
9Кунсолок, раськем, карман тонь каршо кортамо.
Вай, Израиль! Бути ансяк тон кунсоловлимик Монь!
10Илязо уле тонь лия пазот,
ды иля сюконя лия масторонь пазнэнь.
11Мон Азоро, тонь Пазот,
кона ливтинзить Египетэнь масторсто.
Панжик кургот, ды Мон пештяса сонзэ».
12Ансяк Монь раськесь эзизе кунсоло Монь вайгелем,
ды Израилесь эзизе топавто Монь мелем.
13Секскак Мон кадынь сынст калгодо седеест марто,
кадык эрить эсест мелест-превест коряс.
14Вай, бути Монь раськесь кунсоловлимим,
ды Израилесь ютаволь Монь кияванть!
15Мон курок лепштявлинь сынст душманост
ды кепедевлия Эсень кедем лепштицяст каршо.
16Азоронть авечкицятне уре ладсо савтовольть тенст,
а вана израиленсетнень паро эрямо шкаст
таргаволь пингеде пингес.
17Мон андовлинь сынст сехте паро товсюродо
ды симдевлинь сынст кевень пандосто таргазь медте.
*а 80:7 куйме – корзина
Глава 80
