Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 62
Пазом, бажан неемс Тонь виеть ды инексчить
1Давидэнь псалмась, зярдо сон ульнесь Иудань чаво модасо.
2Пазом! Тон монь Пазом,
мон вешнян Тонь ашолгадома шкасто.
Тонь кисэ палы-ченги монь оймем,
Тонь кувалма майси монь рунгом
коськезь ды ведтеме чаво модасо.
3Пек бажан неемс Тонь,
кодамокс неитинь иневанькс эрямо таркасот
виеть ды инексчить марто.
4Тонь седеймарямось эрямодонть седе вадря.
Монь валон шныть Тонь.
5Тонь карман шнамо весе эрямом перть.
Тонеть венстясынь кедень ды Тонь карман тердеме.
6Оймем пештяви, кода пешкедян покшчинь тантей ярсамосо,
ды кенярксов вайгельсэ монь валон шныть Тонь.
7Мон ледстнян Тонь эсень удома таркасо,
арсян Тондеть ветькак.
8Тон монь лезксэм,
Тонь сёлмонь сулейтнень ало кеняркшнан.
9Тонь эйс педясь монь оймем.
Тонь виев вить кедеть кирди монь.
10Сеть, кить вешнить монь ойментень кулома,
валгить-туить модапотмонь отьмав.
11Сынст маштсызь пшти торосо,
сынь понгить ярсамопелекс шакалнэнь.
12Инязорось жо карми эрьгелеме Пазонть кувалма.
Шназь ули эрьвась, кие Пазонть лемсэ божи-пежедьксты*а.
Кенгелицятнень кургост пекставить.
*а 62:12 пежедькстамс – клясться (совамс пежетьс – согрешить)
Глава 62
