Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 63
Берянь тевтне а кекшевить
1Моравтомань ветицянтень. Давидэнь псалмась.
2Пазом, марик монь авардема вайгелем!
Ванстык монь эрямом душмантнэнь эйстэ,
конат тандавтнить монь.
3Кекшемак монь нулгодькс ломантнень
салавань мельдест-арсемадост,
зыянонь теицятнеде,
конат азаргадозь кайсевить лангозон.
4Сынь пштилгавтыть келест, теке торот,
пупить валсост, теке ядов налсо.
5Истя сынь салава таркасто леднить
чумовтомонть лангс,
апак учо леднить лангозонзо,
мездеяк апак пеле.
6Сынь кемекставсть зыянов мельсэст,
арсить кекшемс кундсемкатнень
ды кортыть: «Кие минек несамизь?».
7Сынь кодыть-поныть зыян ды кортыть:
”Вана, минь прядынек эсь тевенек,
эрьва ёндо ванкшнынек ломаненть эрямонзояк,
седеензэяк”.
8Пазось нолды лангозост налт,
ды апак учо сынь улить томбазь.
9Эсест келест кисэ сынь пупордить,
кандыть эстест зыян.
Весе сынст неицятне туить эйстэст.
10Весе ломантне тандадыть.
Сынь кармить пачтямо, мезе тейсь Пазось,
ды арсеме Сонзэ теевть тевтнеде.
11Видечинь ломанесь кенярдозеви Азоронть кисэ
ды карми кемеме-нежедеме Сонзэ лангс.
Весе виде седейтне кармить эрьгелеме.
Шнамо
Глава 63
