Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеКнига РуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ПСАЛТИРЬ

ОЗНОМАМОРОТ

Глава 44

Урьвакстомань моро Инязоронтень

1Моравтомань ветицянтень. «Шошанним»△ седямопель марто. Кореень буенть тонавтомазо. Вечкемань моро.

2Монь седейстэ валовить мазыйдеяк мазый валт.
   Мон моран Инязоронть△ туртов эсень мором.
   Келем теке паро сёрмадыцянь сёрмадома толга.
3Тон сехте мазыят весе ломантнень ютксто,
   Тонь курготкак пештязь пародояк паро валсо.
   Тень кисэ Пазось чанстинзить Тонь пингеде пингес.
4Понгавтык карксамозот Эсеть торот, Виев Аля,
   невтик Эсь инексчить ды сияждыця мазычить.
5Те мазычисэть капшак изнямос,
   озак ушмонь шожда крандазс
   алкуксчинть, сэтьмечинть ды видечинть кисэ.
   Кадык Тонь вить кедеть невти дивань тандавтниця тевть.
6Тонь налот пштить, [Виев Аля],
   весе раськетне прыть Тонь икеле,
   ды неть налтнэ пезныть Инязоронь душмантнэнь седейс.
7Пазом, Тонь инеэземесь пингеде пингень .
   Тонь инязорксчинь мандось – те видечинь мандо.
8Тонеть вечкевсь видечись
   ды пек а вечкеви зыяновчись.
   Тень кисэ Пазось, Тонь Пазось, кочкинзить Тонь
   ды вадинзить кенярксонь елейсэ Тонь ялгатнеде седе пек.
9Тонь оршамопельтнестэ качады
   смирнань, алоень ды касиянь чине.
   Тонь кенярдовтыть седямонь гайттне,
   конат марявить слононь ловажасо мазылгавтозь покш кудотнестэ.
10Инязортнэнь тейтерест
   Тонь кедьсэ пурнавозь содавикс аватнень ютксо.
   Инязоравась ашти Тонь вить кедеть ёно,
   Офирэнь*а сырнесэ оршазь-наряжазь.

11Кунсолок, тейтерем, вант ды маряк!
   Стувтык эсеть раськеть ды эсеть тетять кудонзо!
12Тонь мазычись тусь Инязоронть мельс.
   Сон тонь Азорот, секс сюконяк Тензэ.

13Тирэнь тейтересь*б казне марто, ды раськень сюпавтне сыть
   ды кармить энялдомо Тонь икеле паро мелень путомадо.
14Инязоронь тейтересь пек мазый эсь нупальсэнзэ.
   Сонзэ оршамопелезэ викшнезь-кемельдязь сырнесэ.
15Кувтолдыця-цивтордыця оршамопельсэ
   ветить сонзэ Инязоронтень,
   сонзэ мельга молить тейтертне, ялганзо-оянзо.
16Сынст ютавтыть киштезь-моразь,
   ды сынь совить Инязоронь покш кудонтень.

17Тонь тетятнень таркас сыть Тонь цёратне.
   Тон путсыть сынст князекс-чинязокс весе моданть келес.
18Тонь леметь тейса мельсэ кирдевицякс буестэ буес.
   Тень кувалт раськетне кармить инелгавтнеметь пингеде пингес.

*а 44:10 Офир – тарка, косто усксть сехте вадря сырненть

*б 44:13 ”Тирэнь тейтересь” чарькодеви кода Тир ошонь ломантне.

 Глава 44