Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 35
Ломанень апаро тевтне ды Пазонь парось
1Моравтомань ветицянтень. Азоронь уренть, Давидэнь, псалмась.
2Зыянонь теицянть апаро тевензэ лангс ванозь,
седеем тень корты: сон а пели Паздонть.
3Эсь ёжов мелензэ коряс сон савты эстензэ.
Сонензэ а неяви пежетезэ-чумозо,
ды те а маряви сонензэ авечкевиксэкс.
4Сонзэ ёвтавт валтнэ – авидечи ды ёжовчи.
Сонзэ арась мелезэ теемс парсте ды превейстэ.
5Сон удома таркасояк арси зыяндо.
Моли зыянонь киява, а нулгоди берянденть.
6Азоро! Тонь седеймарямось пачкоди менельс,
Тонь видечись – пельтнес.
7Тонь видечись сэрейдеяк сэрей пандотнень кондямо,
ды Тонь мельтне-превтне теке потмакстомо отьма.
Тон, Азоро, лездат ломантненень ды ракшатненень.
8Пазом, кодамо пек питней Тонь седеймарямось!
Ломантне мукшныть кекшема тарка
Тонь сёлмот сулеест ало.
9Тонь кудонь сюпавчистэнть пешкелить сынст пекест,
ды Тонь кенярксонь чудикерьксэсь явавтсынзе симемаст.
10Эдь Тонь кедьсэ эрямонь лисьмапрясь.
Тонь валдочись валдомты минек эрямонок.
11Ванстык эсь седеймарямот сетненень, кие Тонь содатанзат,
ды эсь видечить сетненень, кинь седеезэ виде.
12Илязо чалга монь лангс верьга прянь кандыцянь пильгезэ,
ды илязан паневе мон пежетевень кедентень.
13Ды вана зыянонь теицятне правтозь пильге лангсто,
сынь тувтозь, ды арась виест стямс.
Шнамо
Глава 35
