Choose Language
Old Testament Books
New Testament Books
view with a second Bible
1 Тиберий нампа хōн атхуйплов тāл хōныг ӯнлуме порат ты вāрмаль ōлыс. Тōнт Юдеят пуӈктотнэ хумыг Понтий Пилат тав ōлыс, Ирод Галилея мāт кӯсяйлахтыс, тав я̄гпыге Пилип Итуреят ос Траконида мāт кӯсяйлахтыс, Авиления мāт Лисаний тав пуӈктотыс.2 Та порат Аннан ос Кайафа сяр яныг пӯпыг*а ōлсыг. Захарий пыгēн, Иоанын, мир ōлтāл мāт ōлмēт Тōрум лāвыс.3 Иоан Иордан я̄ хосыт та мā янытэ̄т мӯвылтас ос миныматэ мир нупыл лāвыглāлыс, тāн Тōрум ля̄льт вос ё̄ӈхēгыт ос тāн кареканыл тāратанэ̄ныл мāгыс, витн вос тӯлхатэ̄гыт.4 Исая Тōрум лāтыӈ тотнэ хум нэ̄пакēт тох ты хансым ōлы:
”Мир ōлтал мāт рōхсуй суйты:
‘Кӯсяй мāгыс лё̄ӈха сё̄питэ̄н.
Тавēн сохт, састум лё̄ӈх сё̄питэ̄н’.
5 Ур хал састум мāт пуссын тāгиньтэ̄гыт,
нё̄рыт, урамыт пуссын тах пāнтыг ēмтэ̄гыт.
Сякариӈ лё̄ӈхыт сохтыг ēмтэ̄гыт,
ань саӈквлыӈ лё̄ӈхыт састумыг ēмтэ̄гыт.
6 Кāсыӈ хōтпа Тōрум вēстылэ̄ вāӈкве патытэ тах”.
7 Иоан палт атхатыглахтын витн тӯлнэ мир нупыл лāвыс: ”Ялпыӈӯйныл тэ̄лум утыт, хōӈхан нāн палямтавēсын Тōрум э̄лаль ōлнэ лавныл сысы оюӈкве?8 Нāнан э̄ри матыр ёмас вāруӈкве, вос нāӈки, хумус нāн Тōрум нупыл ё̄ӈхысы̄н. Наскассыг ул лāвēн: ‘Авраам – мāн āсюв’. Ань нāнан лāвēгум: Тōрум ты āхвтасытныл Авраам ня̄врамыт вēрми вāруӈкве!9 Йӣв тытыт сāграп тāсыг хуи: ёмас пилн ат тэ̄лнэ кāсыӈ йӣв ёл-сāграве ос нāйн вуськасаве тах”.
10 Тōнт атхатам мāхум китыглахтасы̄т: ”Мāнавн мāныр э̄ри вāруӈкве?”11 Тав тāнанылн ювле-лāвыс: ”Кит суп ōсьнэ кāсыӈ хōтпа нуса хōтпан акв супе вос мыгтэ, тэ̄нут ōсьнэ хōтпа ōс вос уртхаты”.12 Пōт*б атнэ хōтпат витн тӯлхатнэ*в мāгыс ёхтысыт, ос китыглахтасыт: ”Ханисьтан хум, мāнавн мāныр вāруӈкве?”13 Ос тав ювле-лāвыс: ”Пōт-олн лāвиман коны-пāл сāвнуве ул вуēн”.14 Тōва хōнт-хумит таве ос китыгласаныл: ”Ань мāнавн ос мāныр вāруӈкве?” Ос тав тāнанылн ювле-лāвыс: ”Нэ̄мхотъют олн ё̄рыл ул касилтэ̄н, ул урккēн, ос нāнан ойтнэ сāвит олныл пōйтым ōлэ̄н”.
15 Мāхум Кристос ёхтынэ̄тэ ӯрсыт, ос Иоан урыл номсахтасыт: ”Иоан аман Кристосыг ат ōлы тай?”16 Иоан тāнанылн ювле-лāвыс: ”Ам нāнан витн тӯлыянум, топ ам юи-пāлумт āнумныл Ё̄рнув хōтпа юв, ам тав лāгыл-маснут квāлганэ хот-пēсталаӈкве ат хōйхатэ̄гум. Тав нāнан Ялпыӈ Лылыл ос найил пиныянэ тах.17 Тав кāтэт мāнтэ ōлы ос тав колассам анятэ сыстамты тах. Ня̄нь колассамыт Такви ōсилэ̄н атыянэ, арыгтан, тōсам ня̄нь пумыт харыглаттāл нāйн тыттыянэ”.
18 Сāв тамле ос мōтсыр ля̄ххалыӈ лāтӈытыл Иоан мирн ёмас ля̄ххал лāвим потыртас ос мир ханисьтас.19 Иоанын, пуӈктотнэ хум Ирод, ягпыге Иродиада нампа нэ̄ саватанэтэ мāгыс ос мōт лю̄ль вāрмалянэ мāгыс, тав та лю̄камтавес.20 Ирод ань сāвсыр мōт лю̄ль вāрмалянэ халт ос Иоан кāснэ колн ӯнттум лю̄ль вāрмале ōлыс.
21 Мир пуссын Иоанын витн тӯлвесыт. Ӣсус ос тув ёхтыс ос витн тӯлвес, ос хунь ань Тав пойксяӈкве патыс, тōрум пāлыг-пӯсхатас, ос Ялпыӈ Лылы голубь*д хурил Тав палттылэ ёл-тāратахтыс.22 Ань тōрумныл турсуй сумыллас: ”Наӈ – Ам Я̄тил Пы̄гквем, Наӈ палтынт Ам э̄лаль лāвум ёмас ōлупса номтанум ты ōлэ̄гыт!”
23 Ӣсус вāтахтем тāлэ ōлыс, хунь ань Тав лусытан наке ōвылтастэ. Мāхум ань номсысыт – Ӣсус Ӯсюп тав пы̄ге. Ӯсюп ань Эли пыгы̄г ōлыс.
24 Эли Матфат пыгы̄г ōлыс, ты Леви, ты Малки, ты Яннай, ты Ӯсюп,
25 ты Маттафи, ты Амос, ты Наум, ты Еслим, ты Наггай,
26 ты Мааф, ты Маттафи, ты Семей, ты Ӯсюп, ты Иуда,
27 ты Иоаннан, ты Рисай, ты Зоровавель, ты Салафииль, ты Нирий,
28 ты Мелхий, ты Аддий, ты Косам, ты Елмодам, ты Ир,
29 ты Иосий, ты Елиезер, ты Иорим, ты Матфат, ты Леви,
30 ты Симеон, ты Иуда, ты Ӯсюп, ты Ионан, ты Елиаким,
31 ты Мелеай, ты Маинан, ты Маттафай, ты Нафан, ты Давид,
32 ты Ессей, ты Овид, ты Вооз, ты Салмон, ты Наассон,
33 ты Аминадав, ты Арам, ты Есром, ты Фарес, ты Иуда,
34 ты Яков, ты Исаак, ты Авраам, ты Фар, ты Нахор,
35 ты Серух, ты Рагав, ты Фалек, ты Евер, ты Сал,
36 ты Каинан, ты Арфаксад, ты Сим, ты Ной, ты Ламех,
37 ты Мафусал, ты Енох, ты Иаред, ты Малелеил, ты Каинан,
38 ты Енос, ты Сиф, ты Адам, ты Тōрум.
*а 2 3:2 сяр яныг пӯп – ты русь лāтӈыл первосвященник
*б 12 3:12 пōт – ты русь лāтӈыл налоги
*в 12 3:12 витн тӯлуӈкве – ты русь лāтӈыл крестить
*д 21 3:21 голубь – товлыӈ ӯй
Глава 3
