Choose Language
Old Testament Books
New Testament Books
view with a second Bible
1 Ӣсус Кристос, Тав Давид хōныл минам Пы̄г, Авраамыл минам Пы̄г, Тав рӯт мире урыл.2 Авраамныл Ӣсаак ōлыс, Ӣсаакныл Яков ōлыс, Яковныл Иуда ос тав каӈканэ-āпсиянэ ты ōлсыт;3 Иуданыл Фарес ос Зара самын ты патсы̄г, тэ̄н ся̄нēн Фамари ōлыс, Фаресныл Есром ōлыс, Есромныл Арам ōлыс,4 Арамныл Аминадав самын патыс, Аминадавныл Наассон самын патыс, Наассоныл Салмон самын патыс,5 Салмоныл Вооза самын патыс, тав ся̄нэ Рахава ōлыс, Воозаныл Овида самын патыс, тав ся̄нэ Руф ōлыс, Овиданыл Иессея самын патыс,6 Иессеяныл Давид хōн ты самын патыс. Давид хōныл Соломон самын ты патыс, тав ся̄нэ Урия хум нэ̄г ōлыс.7 Соломоныл Ровоам самын патыс, Ровоамныл Авия самын патыс, Авияныл Аса самын патыс,8 Асаныл Иосафат самын патыс, Иософатныл Иорам самын патыс, Иорамныл Озия самын патыс,9 Озияныл Иоафам самын патыс, Иоафамныл Ахаз самын патыс, Ахазныл Езекия самын патыс,10 Езекияныл Манассия самын патыс, Манассияныл Амон самын патыс, Амоныл Иосия самын патыс,11 Иосияныл Иоаким самын патыс, Вавилон нампа мāн кēтме порат Иоакимныл Иехония ос тав каӈканэ-āпсиянэ самын патсыт.12 Хунь тāн Вавилонын кēтвесыт, Иехонияныл Салафиль самын патыс, Салафильныл Зоровавель самын патыс,13 Зоровавельныл Авиуда самын патыс, Авиуданыл Елиаким самын патыс Елиакимныл Азор самын патыс,14 Азорныл Садок самын патыс, Садокныл Ахим самын патыс, Ахимныл Елиуда самын патыс,15 Елиуданыл Елеазар самын патыс, Елеазарныл Матфан самын патыс, Матфаныл Яков самын патыс,16 Яковныл Ӯсюп самын патыс, Мария тав хумитэ ты. Марияныл Ӣсус, Кристосы̄г лāвим хум ты самын патыс.17 Танай, ань Авраамныл ōвылтахтын ос Давид мус ōлнэ рӯт вāӈын сāвитэт нилахуйплов ты, ос Давидныл ōвылтахтын рӯт вāӈын Вавилонын вāнтлуптаныл мус ос нилахуйплов ты ōлыс. Вавилон нампа мāн вāнтлуптам пораныл ос Кристос мус ōс нилахуйплов рӯт вāӈын ōлыс.
18 Ӣсус Кристос самын патум вāрмале тох ты ōлыс: хунь Тав Ся̄не Мария Ӯсюп ёт аквъёт кāтпувим ōлуӈкве потыртахтасы̄г, акван иӈыт миннэтэн э̄лы-пāлт, насати Тав Ялпыӈ Лылыныл ня̄врам ōсьнэ вāрмалил тарвитыӈыг ōлнэ̄тэ.19 Мариян ул вос тах ты вāрмаль э̄сырмаг ōлыс, Ӯсюп хум, сāккон сирыл ōлнэ̄тэ мāгыс, сытамыг Таве нэ̄г тотуӈкве ат ēмталас.20 Хунь Ӯсюп ты вāрмаль урыл номылматас, тав хуймēт Тōрум Ангел тав палтэ нэ̄глыс ос лāвыс: ”Ӯсюп, Давид пы̄г! Наӈ Мария нэ̄г тотуӈкве ул пӣлэн. Тав ōсьнэ ня̄враме Ялпыӈ Лылыныл ōлы.21 Хунь Пы̄г самын паты, таве тах Ӣсус*а намыл пинэ̄лн, Тав тах мире карек вāрмалянылныл вēстыянэ*б”.22 Пуссын та ēмтыс, хумус Кӯсяй такви лāтыӈ тотнэ хум*в сирыл лāвыс:23 ”Ты Āги ня̄врам āгвмын паты, Пы̄г ōньси, ос Тав Еммануил намыл пинаве”, ты толмасьлаве: мāн ётув Тōрум.24 Хунь Ӯсюп нōх-сāйкалас, ос хумус Тōрум Ангелн лāввес, тасир та вāрыс, нэ̄тэ тотыстэ,25 ос нэ̄тэ ёт ат вāйхатас та мус, хунь нэ̄тэ такви ōвыл Пы̄гэ та самын патыс, ос Ӣсус намыл Ӯсюпын та пинвес.
*а 21 1:21 Ӣсус – ты грек лāтӈыл Кӯсяй вēсты
*б 21 1:21 вēстуӈкве – ты русь лāтӈыл спасти
*в 22 1:22 Тōрум лāтыӈ тотнэ хум – ты русь лāтӈыл пророк
Глава 1
