Choose Language
Old Testament Books
New Testament Books
view with a second Bible
1Иона самыгт тыи яныг пēтаг ōлыс: тав кӣвре кантыл ос тыстыл-вōсьлыл
ёхтыгпавес.2Тав, Тōрум Āсин тамле лāтӈыт лāвим, пōйксяӈкве патыс: ”Тōрум Āсь! Ам май лāвыглāлсум, хунь иӈ самын патум мāмт ōлсум. Матыр лю̄ль накн патнэ̄м мāгыс, ам Таршишн хот-оюӈкве номылматсум. Ам вāслум, Наӈ ‒ сака ёмас сымпа, сāлитапыӈ, вēртпиӈ оc мāхум э̄руптан Тōрум Āсь, хотъют яныг пēта пōхан-тотуӈкве таӈхи.3Ос тыи мāгыс, Тōрум Āсь, ам лылым вуēлын: āнумн сорумн патуӈкве ёмаснуве, ман ōлупса ōлуӈкве”.
4”Наӈ ман ёмсякв вāрēгын, хунь кантлэ̄гын?” ‒ Тōрум Āсин китыглавес.5Иона ӯс коны-пāлн минас ос тав хōтал нэ̄глын ēрет ёл-ротмыс. Тот тав колпал ӯнттыс ос, тав киврēт ӯнлым, сунсыс, мāныр ӯс ёт э̄лаль ēмты.6Тōрум Āсь касторовый вōй пасиртан нирся̄хыл*a кēтыс, ос Иона пēтаныл ӯргалан мāгыс пуӈке нуми-пāлт ты нирся̄хыл йӣв тальханэ акван хӯтым нōх-яныгмасыт. Иона ты нирся̄хылн хот-ся̄гтыс.7Тōрум Āсь холытан, хōтал нōх-нэ̄глын порат, мāтар кēтыс. Мāтар клещевина хот-пуры̄стэ, ос таи тув та тōсыс.
8Хунь хōтал нōх-нэ̄глыс, Тōрум Āсь хōтал нэ̄глын ēрыл яныг рēг кēтыс. Хōтал Иона пуӈк котыртастэ. Тав сяма рēгтыглым сорум пōйксяс: ”Āнумн сорумн патуӈкве ёмаснуве, ман посыӈ тōрум ōлуӈкве”.
9”Наӈын клещевина сака сāль?” ‒ Иона Тōрум Āсин китыглавес. ”Сōль, сака сāль”, ‒ таи ювле-лāвыс. ”Сорумн патнэм хольт номтум тāрвит”.10”Наӈын клещевина сāль, ‒ Тōрум Āсь лāвыс, ‒ наӈ таве ман ат ӯнттыгласлын ос таве ат янмалтаслын: тав акв э̄т cыс яныгмалыс ос акв э̄т сыс тув тōсыс.11Ос Āнумн хумус Ниневия нампа яныг ӯс ат сāлитаӈкве. Тот яныг сāт хус сōтыр ня̄врам ōлы. Тот ōс сāв ӯйхул ōлы”.
*a 4.6 касторовый вōй пасиртан нирся̄хыл - ты русь лāтӈыл клещевина
Глава 4
