Choose Language
Old Testament Books
New Testament Books
view with a second Bible
1Ōс Ионан Тōрум Āсь лāтыӈ та суйтыс:2”Э̄лы лё̄ӈхын минэн! Ниневия нампа яныг yсн минэн. Ам наӈын лāвнэ лāтӈанум тот ōлнэ мāхмыт палт тотэ̄н.”3Иона
э̄лы лё̄ӈхын та минас: Ниневиян та минас, хумус Тōрум Āсин хӯлтвес.
Тōрум мāгыс Ниневия яныг ӯсыг ōлыс: тав оигпан ēре мус хӯрум хōтал ё̄маве.4Иона акв хōтал
минаме порат лāвыглāлыс: ”Налыман хōтал хультнэ̄тэ юи-пāлт, Ниневия хот-порславе тах!”
5Ниневият ōлнэ мāхмыт Тōрум Āсин та агтсыт. Тāн пост урыл лāтыӈ лāвсыт, мāнь ос яныг хōтпат сурум сэ̄тапыл сагим тōр маснутыл
масхатасыт.6Ты вāрмаль урыл хōн хӯлыстэ, тав такви хōн yласэ̄ныл нōх-лю̄лис, хōн маснутэ хот-āӈхвыстэ, сурум сэ̄тапыл сагим тōр маснутыл масхатас, хӯльм тармыл ӯнтыс.7Хōн ос тав тумаиӈ мāхманэ Ниневия нампа ӯс мирн тамле сāккон лāтыӈ кēтсыт: ”Тэ̄нут кāтыл ат новуӈкве, колыӈ ӯйхyл ат тыттуӈкве, э̄лумхōлас ос мāнь манос яныг ӯйхyл витыл ат айтуӈкве.8Э̄лумхōласыт ос ӯйхyлыт, сурум сэ̄тапыл сагим тōр маснутыл
масхатым, Тōрум Āсин тāкысь вос пōйксēгыт. Вос кāсыӈ ут лю̄ль нак ос карек вāруӈкве пойты.9Хōӈха вāгтэ? Э̄рыӈ, Тōрум Āсь номтāнэ ювле выганэ, кантлуӈкве пойты ос мāн ат порсэ̄в тах”.
10Тāн кареканыл хот-вуськасаманыл ōвылтыт Тōрум Āсь кāсалас. Ос Тōрум Āсь тāнанылн пинум лаванэ ювле висанэ, яныг пēта ат та кēтыс.
Глава 3
