Choose Language
Old Testament Books
New Testament Books
view with a second Bible
1Иона юв-тāяпан мāгыс Тōрум Āсь яныг хӯл кēтыс. Хyрум хōтал ос хyрум э̄т Иона хӯл сōргыт ōлыс.2Хӯл сōргыныл тав такви Тōруме нупыл пōйксяс:
3”Пēта порат ам Тōрум Āсюмн пōйксялсум,
Ос тав āнумн ювле-лāвыс,
ёлы-мā сōргеныл рōхсум,
Наӈ āнум та хӯлыслын!
4Ся̄рысь милын
Наӈ āнум вуськасаслын,
ам яныг хумпытн э̄л та нāтавем;
Пуссын Наӈ яныг хумпанын
ам нуми-пāлумт яласэ̄гыт.
5Ос ам номсахтасум:
ам Наӈынныл самсāйн хот-нявлувēсум.
Но, āти, āнумн нāӈки
Наӈ ялпыӈ колын!
6Ам турум мус вит āмарас,
мувлахи – мил,
Вильтятум ся̄рысь пумыл лап-пēрыглавес.
7Ам нёр тытн ёл-вāглысум,
мā кӣвырн сялтум āвим ам юи-пāлумт
аквписыг та лап-пантапахтас!
Но милныл Наӈ ам лылым нōх-вēстыслын,
Кӯсяй*a, ам Тōрум Āсюм!
8Вāгтал патмумт, сымтал патмумт
ам Кӯсяюм урыл номылматсум,
ам пōйкилум Наӈ хӯлыслын,
тав Наӈ ялпыӈ колынн ёхтыс.
9Тōпал утыт янытлан мāхум
Наӈ э̄рупсанныл сысы воратэ̄гыт ‒
10ам ос Наӈын пӯмасипа лāтӈум лāвим йир тотэ̄гум тах,
Амки тāк лāтӈанум тōвылттыянум.
Вēстыл Тōрум Āсь кāтагēт ōлы!”
11Тōрум Āсь лāвыс ‒ ос хӯл Иона тосам мāн та салямастэ.
*a 2.7 Кӯсяй - ты русь лāтӈыл Господь
Глава 2
