Choose Language
Old Testament Books
New Testament Books
view with a second Bible
1Ионан, Амиттай пы̄гын, Тōрум Āсьныл тамле лāтыӈ ōлыс:2”Э̄лы лё̄ӈхын нёвумтэ̄н! Ниневия нампа яныг yсн минэ̄н. Тот ōлнэ карекыӈ мāхумн лāвен, āнумн тāн лю̄ль наканыл тāра паттым ōлэ̄гыт”.
3Иона э̄лы лё̄ӈхын минас: Тōрум Āсьныл Таршишн хот-оюӈкве номылматым, тав ся̄рысь вāтат ōлнэ Иоппия нампа мāн минас, Таршишн миннэ кāрапль кāсалас,
тыныл ойтхатас ос Тōрум Āсьныл сысы ойнэ̄тэ мāгыс ты кāраплин тāлыс.
4Тōрум Āсь ся̄рсин яныг вōт кēтыс, ос ся̄рсит яныг вōт овылтахтас. Кāрапль āла хот-саквалы.5Кāраплит рупитан хōтпат пилысьман ёхтувēсыт. Кāсыӈ ут, нё̄тмил вōвим, такви тōруме нупыл пōйксяӈкве патыс. Кāрапль купнямтан мāгыс, тāрвитыӈ пормасāныл ся̄рсин пāхвтысāныл. А Иона кāрапль кивырн сялтыс, ёл-хуяс ос тāкысь оилматвес.6Капитан тав ляпатэ̄н лаквыс ос лāвыс: ”Наӈ ос манрыг хуēгын? Нōх-квāлэн, наӈти тōрумын вōвелы̄н. Э̄рыӈ, тав мāнав урыл номылматы, ос мāн ат порсēв тах”.
7Тāн тāнки халанылт потыртаӈкве патсыт: ”Халувт нōх-хартнэ лōпс э̄ри лыӈкве, вос тāра паты, хōӈха мāгыс мāн ты
яныг пēта вēритэ̄в”. Нōх-хартнэ лōпс лы̄сыт – ос тав Иона нупыл хультыс.8”Ос мāн наӈ мāгсылын ке ты яныг пēта вēритэ̄в, мāнавн наӈ лāвен? – Тāн таве китыгласāныл, – Мāныр вāрēгын? Хотыл минэ̄гын? Наӈ соссаӈ мāн хōт ōлы? Хоты рyт мāхмытныл ōлэ̄гын?”9”Ам – еврей, – тав лāвыс, – ам Тōрум Āсь янытлэ̄гум. Та нуми тōрумт ōлнэ Тōрум Āсь янытлэ̄гум, хотъют ся̄рысь ос тосам мā вāрыс”.
10Кāраплит рупитан хōтпат илттыг яныг пилысьман ёхтыгпавēсыт. ”Наӈ манрыг тох вāрсын?” – Тāн таве китыгласāныл, хунь тав Тōрум Āсьныл сысы ойнэ̄тэ урыл тāнанылн лāвыc,11– Мāнавн наӈынтыл мāныр вāруӈкве, ся̄рысь яныг хумпыт ёл-торамтан мāгыс? Яныг вōт ты ōвылтахты тах”.12”Āнум āлмелы̄н ос ся̄рсин вуськасэ̄лын, ‒ тав ювле лāвыс, ‒ ся̄рысь мувлахи вос ёл-ротми тах. Ам май вāглум, ты ам мāгсылум тамле ся̄рысь яныг вōтын нāн ёхтувēсын”.13Кāраплит рупитан хōтпат пāг товуӈкве патсыт, но тāн э̄лаль ат вēрмысыт товуӈкве: яныг вōт усьпыл няӈраг та ēмтыс.
14Тōнт тāн Тōрум Āсиныл вōвим лāвсыт: ”Тōрум Āсюв! – Ты хōтпа холнэтэ мāгыс, мāнав ул порслэ̄лын. Нуртāл хōтпа кēлпе тāратан мāгыс, мāнавныл нэ̄матыр ул
кинсэн. Наӈ – Тōрум Āсь: Наӈ наӈки лāтӈын тох та ōлы”.
15Иона āлмысаныл, таве ся̄рсин та вуськасасāныл ос ся̄рысь яныг хумпыт ёл-торамтасыт.16Тōрум Āсиныл э̄лы-пāлыт яныг пилысьман ёхтыгпавēсыт. Тāн Тōрум Āсинылн йир тотсыт ос тāк лāтыӈ лāвсыт.
*a 1.1 Тōрум лāтыӈ тотнэ хум – ты русь лāтӈыл пророк
Глава 1
