Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
БИБЛИЯТЬ МЕКОЛЬЦЕ ЛОПАЛАНГОЦ
Библиясь шумордави Шкайть Цёранц, Исус Кристосонь, омбоцеда саманц колга лятфтамаса. Лувсаськ "Иоаннонь Панжемвалстонза" мекольце пакшкять – Библиять мекольце лопалангонц:
«Мярьгсь тейне: тяйть пякста тя книгань ингольпяли няемань валхнень; вдь пингсь маласа. Кичкор ваймось катк тиендьсы аф видешинц; аф арусь катк рдазыякшни; виде ваймось нинге тиендеза видешинц, инярусь нинге иняруяза. Вов, саян курок, питнень пандомазе мархтон, эрьти максан тевонзон коряс.
Мон Альфан и Омеган, ушеткссь и песь, васенцесь и мекольцесь. Вельф павазуфт сят, кит ванфтсазь кошардомвалонзон, тейст мярьгови ярхцамс эряфонь шуфтста и сувамс ошу ортава. Орта фталу илядыхть пинетне, колдавайхне, усксевихне, ломанень шавихне, эсь тиф шкаенди сюконяйхне, эрьсь, кие кельги и тиенди аф видеши.
Мон, Исуссь, кучине ангелозень азондомонза тянь озкскурова. Мон Давидонь юромть унксоц и поладыец, мон шобдавань валда тяштян.
Ваймопожфське, рьвяняське корхтайхть: сак! Кулиське азоза: сак! Кинь потмоц шяйсь – саза, кинь ули мялец – сявоза эряфонь ведь стакта.
Тяфта мон нинге азондса эрьти, кие кульсыне тя книгать ингольпяли няемань валонзон: кда кивок мезевок путы ёткозост эсьстонза, сянь лангс Шкайсь путы зиятт, конатнень колга тяштьф тя книгаса. Кда кивок мезевок валхты ингольпяли няемань тя книгаста, сянь Шкайсь валхтсы эряфть книгастонза, иняру ошста и сянь эзда, мезе сёрматф тя книгаса. Тянь азондыец корхтай: афкукс, курок саян! Аминь.
Афкукс сак, Исус Азороньке! Исус Кристос Азороньконь парошиц тинь сембонь мархтонт. Аминь.»
ПАНЖ. 22:10-21
514 
