Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
КЕМАМАТЬ ИНКСА СТЕФАНОНЬ КУЛОМАЦ
Апостолхнень мяльснон коряс кемаень курось кочкась сисем диакотт, лиякс – покодихть, конатнень лангс путфоль ашуфненди и ашстотненди лездомань тевсь. Васенце диаконкс кочказь Стефанонь, ломанть, кона пяшкотьфоль Иняру Ваймопожфса, кемамаса и вийса. Сон тиендсь пяк оцю ацермат и тяшкст ломань ёткса. Кристосонди кемамать каршес молихне афолезь няе сонь тянкса и ушедсть мархтонза пялькстама, аньцек ашесть кирде смузьшить и Ваймопожфонь вийса смузю корхтаманц каршес. Эста синь тонафтсть кодама-повсь ломатть муворгофтомс сонь, кле, сон сялдозень Шкайть и Моисеень. Кодак срхкафтозь ломаттнень кяжснон, синь кундазь Стефанонь и вятезь Оцю пуромксть инголи. Мзярда муворгофтыенза ушедсть лангозонза васькафнема, эста Оцю пуромксса сембе озафне Стефанонь лангс ваномста няезь: шамац сонь прокс ангелонь.
Озксвятиень оцюнясь кулхцондозень сембе муворгофнематнень, кизефтезе Стефанонь: «Виде тя?» Эста Стефан кармаськорхтама Иняру Сёрматфста Шкаень Валса. Корхтаманц кулхцондомста пуромфне лаказь лакасть кяжса и мчкорфтозь пейснон.
Стефан, Иняру Ваймопожфса пяшкотьфсь, варжакстсь менели, няезе Шкаень иневалдть и види ширесонза ащи Исусонь, мярьгсь: «Нява, мон няян панжада менель и Шкайть види ширесонза Ломанень Цёрать»*а. Тянь марямста сембе ювадсть, валонзон аф кулеманкса пандозь пилеснон и врьгятсть лангозонза. Лихтезь сонь ошста и кармасть шавомонза кевса. А Стефан озондсь: «Азорозе! Тяк лува тянь тейст пежетекс». Тянь азомда меле кулось.
ТЕФНЕ 6:2-15; 7:1-60
*а Исусонь.
452 
