Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИЛЯДЕНЬ ЯРХЦАМАДА МЕЛЕ КОРХНЕМА
Илядень ярхцамада меле Исус стясь, карксась нардамаса, каясь кядьгос ведь и ушедсь тонафниензон пильгснон штама и нарнемост нардамаса. Мзярда маладсь Симон-Пятанди, ся мярьгсь тейнза: «Азорозе! Кали тейть штакшнемс пильгонень?" Исус мярьгсь каршезонза: «Мезе мон тиян, тяни аф содасак, шарьхкодьсак меле».
Мзярда Исус штазень пильгснон, пшкядсь тейст тяфтама валса: «Шарьхкодьсасть, мезе тиень тейнть? Тинь лемнесамасть Тонафтыкс и Азоркс, видеть корхтатада, мон афкукс сян. Тяфта, кда мон, Азорсь и Тонафтысь, штайне пильгонтень, эстейнтьке эряви штакшнемс фкя-фкянь пилькт. Мон няфтень тейнть кепотькс... Видеста корхтан тейнть: уресь аф сяда оцю эсь азоронц коряс и кучфсь аф сяда оцю кучиенц коряс. Кда тинь содасасть тянь и тяфта тиенттяда, эста вельф павазуфтада. Аф сембонь колга корхтан; мон содаса, кинь кочкань. Сембе сяка, пяшкодевоза Сёрматфсь: 'Мархтон кшида ярхцайсь кеподезе лангозон кочкярянц».
Тянь азомда меле Исусонь сявозе вии таколдома, мярьгсь: «Видеста корхтан тейнть, ёткстонт фкясь монь мисамань». Тонафнихне варжакснесть фкя-фкянь лангс, ашезь шарьхкоде, кинь колга сон корхтай. Иоанн прафтозе прянц Исусонь мяштьс, кизефтезе: «Азорозе! Кие тя?» Исус каршезонза: «Ся, кинди максан кши пакш». Сон навазе кши пакшть и максозе Искариотонь Иуданди. Иуда сязозе кшить и эстокиге лиссь; а ульсь ве.
Иудань лисемда меле Исус мярьгсь: «Итть!.. Од кошардомвал максан тейнть, кельгода фкя-фкянь; кода мон кельктядязь тинь, тяфта тиньге кельгода фкя-фкянь. Улендяряй ётксонт кельгома, сянь коряс сембе содатядязь – тинь монь тонафниене». Сяльде сон мярьгсь тейст: «Тя веня тинь сембе потатада эздон». А Пята каршезонза: «Потандярявихть сембе, мон мзярдовок аф потан». Исус мярьгсь тейнза: «Видеста корхтан тейть: атякшть моразевомс колмоксть потат эздон».
ИОАНН 13:4-38
412 
