Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЕРУСАЛИМУ АЗОРТЬ СУВАМАЦ
Ерусалиму молемста Исус сувась Бетанияв, кона ащесь Вайшуфта пандть ваксса. Тоста сон кучезень кафта тонафниензон, мярьгсь тейст: «Арда инголент ащи велети. Тоса эстокиге мутада осёл эльденя, мархтонза вашец; юксость и вятесть тейне. Кивок мезьге мярьгондяряй, азость: синь эрявкстсть Азорти; сон курок мрдафтсыне». Кучфне тусть и музь сянь, мезе азсь Кристос. Мзярда синь юксозь осёлть, азоронза кизефтезь: «Мезенди юкссесасть осёлть?» Тонафнихне каршезост азозь: «Сон эряви Азорти».
Синь вятезь Исусонди осёлть и вашенц, ацазь лангозост эсь щамснон. Исус озась вашеть лангс. Мзярда сон малаткшнесь Ерусалиму, ломаттне ацсезь кинц щамсост и пальмань тарадса, васьфтсть эсонза юватькшнезь: «Осанна*а Давидонь Цёранцты! Бславаф Шкайть лемса Сайсь! Осанна Менельстоти!» Тяфта пяшкодсть валхне, конатнень азондозень Захария шкаймаряйсь ламода тяда инголе: «Азость Сиононь стирти*б: Оцязорце тондейть сай осёл лангса, ашконь каннить вашенц лангса...»
Мзярда Исус сувась Ерусалиму, марнек ошсь жалназевсь, сембе ушедсть кизефнема колганза: «Кие сон?» Шнаенза корхтасть тянь каршес: «Тя Исус, Галилеянь Назаретста шкаймаряйсь». Ламотне азондозь, кода сон вельмофтезе Лазарень и тись лия лама ацерма. Эста фарисейхне эсь ётковаст ушедсть корхнема: «Няйсасть, тейнек мезевок аф тиеви. Марнек масторлангсь моли мельганза». Синь мярьгсть Исусонди, катк кардасыне тонафниензон шнакшнемдонза. Исус каршезост мярьгсь: «Азондса тейнть, сетьмондяряйхть синь, эста кефне ювадихть».
МАТВ. 21:1-10; ЛУКА 19:20-40; ИОАНН 12:12-19
*а Осанна! – мокшекс: Идема! Идемак! Кайгоза лемце!
*б Лиякс мярьгомс – Ерусалимти и сонь ломанензонды.
390 
