Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ФАРИСЕЙСЬ И ПЕЖЕТЮ АВАСЬ
Фкя фарисейсь, Симон, тердезе Исусонь пялонза шиньгучкань ярхцамас. Исус сась ширезонза. Вов, ся ошень пежетю фкя авась кулезе, Исус фарисейть пяле. Авась мольсь тов и кандсь мархтонза алебастрань кядьгоса миро*а. Сон арась Исусонь пильгонзон ваксс и авардезь кармась валомост пильгонзон сельмоведьса и нарнемост шяярьсонза, палсезень пильгонзон и вадендезень питни вайса.
«Тянь няемста фарисейсь, Исусонь серьгядиец, арьсесь эсь пачканза: "Улендяряль тя ломанць шкаймаряй, эста содалезе, кодама ава токсесы, вдь тя авась пежетю". Исус шарфтсь кудазорти, мярьгсь: "Симон! Ули тейть фкя корхтамазе". Ся мярьгсь: "Азк, Тонафты". Исус мярьгсь:
"Пандомда макссить ульсть кафта шумувонза, фкясь шумуволь вете сятт динария, омбоцесь ведьгемонь. Сяс мес кафцьконь ашель мезьса пандомс, сон кафцьконь шумоснон нолдазень. Азк ина, кона эздост сембода пяк кармай кельгомонза?" Симон каршезонза: "Арьсян, ся, кинь сяда оцю шумонц нолдась". Исус мярьгсь тейнза: "Видеста арьсить".
Шарфтсь авати и мярьгсь Симононди: "Няйсак тя авать? Мон сань пялот, тон ведьге пильгонень штамс ашеть макса, а сон сельмоведьса валозень пильгонень и шяярьсонза нардазень. Тон ашемайть пала, а сон самстонкиге аф лоткси палсемдост пильгонень. Тон прязень ашить ваде вайса, а сон питни вайса пильгонень вадезень. Азса тейть: тя авась кельги тяфта сяс, мес нолдафт лама пежетенза; а ся, кинди кржа нолдави, кржа кельги".
Авати мярьгсь: "Нолдавихть тонь пежеттне". Лия инжихне кизефнесть эсь пачкаст: "Кие тя, кона пежеттьке ноляй?" Исус мярьгсь авати: "Кемамаце идензе; архт озаф седихть».
ЛУКА 7:37-50
*а Миро – нардань танцти шине питни вай.
388 
