Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ШАВМОДАСА ИСУСОНЬ ПЕЖЕТЬС ТАРКСЕМАЦ
Кстиндамда меле Ваймопожфсь вятезе Исусонь шавмодас идемевозть эзда пежетьс тарксеманди. Исус тоса постовась нильгемонь ши и нильгемонь ве, меколи вачсь пекоц. Эста малазонза сась идемевозсь и мярьгсь: «Кда тон Шкаень Цёрат, мярьк ня кефненди, катк тиевихть кшикс». Исус каршезонза азозень Иняру Сёрматфста валхнень: «Ломанць кармай эряма аф аньцек кшить вельде, но эрь валсовок, кона лиси Шкайть кургста».
Идемевозсь варжазе таргамс сонь пежетьс Сёрматфста сявф валса. Сон кеподезе Исусонь шкайкудть пряс и мярьгсь: «"Кда тон Шкаень цёрат, комотть алу, вдь сёрматф: 'Кошардсыне ангелонзон ванфтомс тонь, кядьса канттядязь, афоль токав пильгце кевс". Исус мярьгсь тейнза: "Тяфтанга сёрматф: ÚТяк тяряфне Азорцень, эсь Шкайцень».
Нинге весть идемевозсь срхкась пежетьс таргамс Исусонь. Кеподезе сонь серидонга сери панда пряс, няфтезень тейнза мода лангонь сембе масторхнень, синь мазышиснон и мярьгсь: «"Пульзязь сюконяндярят пильгозон, семботь тянь тондейть максса." Эста Исус мярьги тейнза: "Аертт маластон, идемевозь, сяс мес сёрматф: ÚАзорцти, эсь Шкайцти сюконякшнек, тейнза ськамонза покотть».
Эста сяськф идемевозсь кадозе Исусонь, састь ангелхне и кармасть Шкаень Цёрати покодема.
МАТВ. 4:1-11
314 
