Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
МИХЕЙ ШКАЙМАРЯЙСЬ
Михей шкаймаряйсь пачфнезе ломаттненди Шкаень валть иудань и израилень ся оцязорхнень пингста, конат оцязорондасть 740-700 кизотнень Кристосонь шачемада инголе. Михей инголькиге азондозе Шкайть эзда ломаньтналть потаманц, ломанень вятихнень лангса малады судть, Самариять и Ерусалимть машфтомаснон... Сон ингольпяли няезь азондсь Исус Кристосонь и сонь марнек модать лангса оцязорондаманц квалма.
«Ули тя мекольце шитнень: Азоронь кудть пандоц путови панттненди прякс и кеподи губорхнень вельхксса. Шудезь шудезевихть тов сембе ломаньтналхне. Молихть ламоц ломаньтналхне и мярьгихть: Сада куцтяма Азорть панда пряс, Яковонь Шкаенц кудс, – сон тонафтсамазь эсь кинзонды, карматама якама киганза-янганза. Вдь Сионцта лиси койсь, Азорть валоц – Ерусалимста.
Сон кармай судендамост ламоц ломаньтналхнень, лангу лихтьсыне ичкоздень масторонь ламоц юропнень кальдявснон. Эста синь пикссазь эсь торснон соканди, сялгомснон – тарвазонди, ломаньтналсь аф кеподи тор ломаньтнал лангс, оду аф кармайхть тонафнема тюрема. Эрьсь озай виноградонь ситерьксонц алу и смоква шуфтонц алу, кивок аф кармай эвфнемонза. Саваоф Азорсь азозе тянь.
Няк, сембе ломань юропне сюконякшнихть эсь шкайснонды; ина минь карматама сюконяма аньцек Шкай Азороньконди сембе пинкнень. Ся шиня, корхтай Азорсь, кочкасайне шаморхнень, пуроптсайне срафнефнень, сембонь, кинь лангс кучсень зиян. Максса модазень шаморхненди, тисайне ичкозьге срафнефнень вии ломаньтналкс, и Азорсь кармай оцязорондама лангсост Сион панда пряса тячиста сявомок и сембе пингс.»
МИХЕЙ 4:1-7
276 
