Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
иблияса эстокиге "Валмуворксонь книгада" меле моли "Екклесиастонь книгась", лиякс мярьгомс "Тонафтыень книгась". Сон ащи 12 пакшста и сувафни эсезонза смузю валмуворкст, конат шарыхть Соломононь валмуворксонзонды. Вов мзярошка синь эздост:
«Пульхкомань пульхкома, мярьгсь Тонафтысь, пульхкомань пульхкомась – сембось пульхкома!» (1:2)
«Сяда пара пичедемс рахамать вастс; сяс мес седити пара, мес шамась пичефксу. (7:2) Смузьшись ушманонь тюрембяльда пара. Аньцек фкя пежетьс прайсь юмафты лама цебярьда. (9:18) Кие шуви лотка, ся прай эзонза; кие калафтсы перяфксть, сянь пупасы куй. (10:8) Тиентть пара ломаттненди, пингта меле сон эстейть мрдай.» (11:1)
«Кеняртькшнек, од ломань, од пингстот, маряза седице паваз одонь шистот. Якак эсь седицень киге и сельмонь няемацень коряс; аньцек содак, тянкса сембонкса Шкайсь вяттянза судс...» (11:9)
«Мяляфтк Шкайть од пингстот, мзярс ашесть са стака шитне и ашесть са кизотне, конатнень квалма кармат корхтама: "Аш эсост тейне пара". Мяляфтк Шкайть, мзярс тондейть ашесть мада шись, валдсь, ковсь, тяшттне и ашесть са шобда коволхт пиземда меле. Ся шиня трнатозевихть кудонь ваныхне, мяндевихть виень алятне; лоткайхть яжамда яжайхне, сяс мес кржа лядсь эздост. Лядыхть шобдаса вальмава ваныхне, кармайхть пяксневома ушу вяти кенкшне; ацяндихть яжафтомань кефне, кармай стякшнема ломанць атякшть кукоряманц коряс и сетьмихть морай стирьхне. Ся шиня сери васттне арайхть тейст пельксокс, ки лангсовок оцю пелькст; кармай панжема миндальсь; стакалгоды паксянь циледись, пяяри кàперссь. Вдь туй ломанць эсь сембе пингонь кудозонза; ушеса анокт пуромомс перьфканза явсихне; – мяляфтк Шкайть, мзярс ашезь сязев сиянь уськсь, и ашезь колав зрнянь кечесь, и ашезь колав лихтибрять видеса кукшенць, и ашезь пра эшить вельхксса шарысь. И мрдай кулось модати, мезькс ульсь; а ваймопожфсь мрдай Шкайти, кона максозе сонь». (12:1-7)
ТОНАФТЫЕНЬ КНИГА
260 
