Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВАЛМУВОРКСОНЬ КНИГА
Библиянь фкя книгась лемневи "Валмуворксонь книгакс". И нинге лемневи "Соломононь валмуворксонь книгац", сяс мес валмуворкснень оцю пяльксснон сёрмадозень Соломон смузю оцязорсь. Синь ащихть нюрьхкяня, кирьфтаф тонафтомаста, конат васендакиге лемтьфть од ломаттненди. Валмуворкснень эса азондови смузьшить, Шкайда пелемать, прянь вятема койхнень, шумбра-таза пряёнть, тевти прафтомать колга. Синь тонафтыхть ашувонь ужяльдема, душманонь кельгома, видешинь азома, эсь прянь кирдема и лама лияти. Вов койконатне синь эздост:
«Смузьшить ушетксоц – Азорда пелемась; аньцек ёньфтомотне аф сявондьсазь мяльс смузьшить и ёньц тонафтомать.» (1:7)
«Цёрай! Кармандяряйхть эсь ширезост ускомот пежетень тиихне, пря тят макссе.» (1:10)
«Тят надия эсь ёньцень лангс, кемак Азорти сембе седиса. Марнек ки-янцот тонафнек-сотцек Азорть, и сон путтанза виде кис». (3:5-6)
«Шкайть шумонь пантфтомадонза, цёрай, тят шарфне, апрякамонзонга кирдить. Шкайсь кинь кельги, сянь шумонц пантфнесы, кода алясь эсь цёранц.» (3:11-12)
«Цёрай! ванфтк аляцень кошардомвалонц, тят шарфне тядяцень ёньц путомадонза.» (6:20)
«Кельгиенень мон кельгсайне, и вешендиене – мусамазь.» (8:17)
«Кие люпштасы ашуть, ся сялдсы Тииенц. Шкайть лувиец тии пара ашстоти.» (14:31)
«Видешиса эрямась кеподьсы ломаньтналть, а койфтомашись–прафтсыне ломаньтналхнень визьксфтомашис.» (14:34)
«Ломанть седиец арьсекшнесы эсь кинц, аньцек Азорсь вятьсыне аськолксонзон.» (16:9)
«Алянь паршинь карьхцяйсь и тядянь панись – туткоткс и визьксфтома цёра.» (19:26)
«Ладяк шабать виде кис ёмластокиге. Эста сон аф шарфты эздонза сиредемстовок.» (22:6)
«Цёрай! макск седицень тейне и якак киган-янган. (23:26)
«Кда вачеда душманце, антк кшида; кда шяйсь потмоц, симтьк ведьта.» (25:21)
ВАЛМУВОРКСОНЬ КНИГА
258 
