Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПСАЛМАНЬ КНИГА
Псалмань книгась – Библиять сембода пяк лувондови пяльксоц. Сон ащи сяда ведьгемонь псалмаста, лиякс мярьгомс, озксмороста, конат морсевихть. Псалматне няфнесазь семботь сянь, мезсь таколфтсы Шкайс кемай седить. Эсост азондови пежетть инкса пичедемать и вярде идемань учемать колга. Нинге азондови, конашкава лама масторлангса кяжда, а сембе сяка сяськонди валдсь. Кой-кона псалматнень эса инголькиге азондови Мессиять, Кристосонь колга. А кона-кона псалмаса израилень люпштаф ломаньтналсь анай Шкайть кядьста кяжень пандома эсь душманонцты.
Давид сёрмадозень ламоц псалматнень, сяс Псалтирть сидеста лемнесазь "Давидонь псалманза". Но улихть книгаса псалмат, конатнень сёрмадозь лият.
Тяса максовихть кепотьксонди кафта псалмат. Псалматнень эса панчсевихть ломаттнень инь крхка мяльсна и маряфкссна, сяс ламоц озондомань моротне ладяфтолхть синь корязост.
1 псалмась
«Вельф павазу алясь, кона аф якай шкайфтомонь пуромксс и аф арси пежетювонь кис, и аф ащекшни нильготьксонь ёткса. Сон мусы эсь кенярьксонц Азорть Койса и тонафнесы Койть шинек-венек. Сон ули кода шуфта, кона озафтф шуди ведь ваксс, кона канни имошть эсь пингстонза, лопанзовок аф пужихть. И сембоса, мезе сон афоль тиенде, кенерькшни. Аф тяфта уленди шкайфтомотнень мархта. Синь – кода вармаса тяйф кулуфт. Шкайфтомотне судса аф кирдихть, пежетюфне аф кирдихть видешистотнень пуромксса. Вдь Шкайсь содасыне видешистотнень киснон, ина шкайфтомотнень кисна юмай».
150 псалмась
«Шнасть Шкайть иняру кудсонза; шнасть виенц вяре менельса! Шнасть сонь, сонь инь оцю тевонзон, шнасть сонь – сон инь оцю! Шнасть сонь турамаса, шнасть арфаса и карзиса. Шнасть калдормас эрьхнезь и кштизь, шнасть струнань и уфамань морамаса! Шнасть сонь кайги пайгоняса, шнасть цингорды пайгоняса! Сембе ваймонь тарксихне шназазь Азорть! Аллилуия!»
254 
