Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИОВ СТАЛМОТНЕНЬ КИРДЕМДОСТ МЕЛЕ
Кивок ашезе ужяльде Иовонь Азорда башка, кона кельгозь ванць мельганза. Шкайти кемазь, Иов мярьгсь: "Содаса, Идиезе шиса, и сон мекольцекс арай кулозень вельхксс. Сяда меле, мзярда срады киськозе, мон няйса Шкайть".
Мзярда Иов корхнесь ялганзон мархта, апак учт кулевсь вии даволонь увф. Даволста кайгозевсь сонцень Азорть вайгялец. Шкайсь ушедсь Иовонди кизефксонь макссема, конатнень каршес стакаль мумс эрявикс валхт. Иов сядонга лац шарьхкодезе Тиить сембоса сафтовиксшинц и инь оцюшинц.
Мзярда Азорсь лоткась корхтамда, Иов мярьгсь тейнза: "Содаса, тонь вийсот сембось, арьсефце киндинге аф лоткафтови".
Шкайсь пантфтозень шумоснон Иовонь ялганзон, конат корхтасть Азорть колга аф стане видеста, кода Иов. Азорсь мярьгсь тейст максомс озказне эсь инксост и эняльдемс Иовонди озондомс инксост. Синь тисть Азорть валонзон коряс, и Иовонь озондомдонза меле сон нолдазень пежетьснон.
Шкайсь полафтозе Иовонь эряфонц, мрдафтозе сянь, мезец ульсь и нинге кафксть сяда лама ингольцеть коряс.
Тяшка сталмотнень кирдемдост меле Иовонди састь альняканза-дуганонза, аканза-сазоронза, ингольдень сембе содафонза и кандсть тейнза казнет. Шкайсь бславазень Иовонь мекольце шинзон сяда пяк ингольцеть коряс. Ламос нинге эрясь Иов ся сталмотнень кирдемдост меле, сонь шачсть сисем цёранза и колма стиренза. Ладнек модать лангса ашельхть тяшкава мазы ават сонь стирензон лаца.
ИОВ 19:25-26; 37-42 пакшне
252 
