Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИОАКИМ ОЦЯЗОРСЬ ПЛХТАСЫ АШКОРКСТЬ
Мзярда Варух лувозень ашкорксста Еремиянь валонзон, иудань ширясне эстокиге тянь пачфтезь Иоаким оцязорснонды. Оцязорсь кошардозень кандомс тя ашкорксть и лувомс инголенза. Оцязорсь озадоль тялонь кудсонза, инголенза палсь седь марня. Тейнза кандозь ашкорксть и ушедсть лувомонза. Лувф пакшнень оцязорсь керсезень пеельняса и ёрязень толти. Тяфта плхтафоль толса марнек ашкоркссь.
Иоаким оцязорсь и сонь покодиенза ашесть эводе сай пингть колга валхнень кулемста. Синь исть кема, бта еврейхне повихть Вавилононь оцязорть кядьс полонц. Оцязорсь мярьгсь кундамс Варух сёрмадыть и Еремиянь, аньцек Азорсь кяшезень синь. Мзяра пингонь ётазь Азорсь мярьгсь Еремиянди: "Сяфть эстейть лия ашкоркс и сёрмадыть эзонза няка валхнень, конат ульсть васень ашкорксса. Иудань оцязорти Иоакимонди азк: "Тяфта корхтай Азорсь: 'Тон плхтайть тя ашкорксть, мярьготь: местема Еремия сёрмадсь, кле, сай вавилононь оцязорсь, саласытапасы тя модать, машфтсыне лангстонза ломаттнень и ракшатнень?' – Тянкса, мон, Азорсь, корхтан тейть, Иоаким, иудань оцязор: аф ули тонь эздот Давидонь оцязор вастс озайце. Тонь кулоце ули ёрдаф ушень пиди шить алу и вень якшамти. Кяжи тевонтень инкса мон пантфтса шумонтень – тонценьге, покодихненьге. Тинь сембонь сатса пентень, кода корхнень".
Сявсь Еремия лия ашкоркс и максозе Варух сёрмадыти. Ся сёрмадозень эзонза Еремиянь кургста сембе валхнень васень ашкорксста, да нинге сувафтсь эзонза лама лия ингольпяли няемань вал.
ЕРЕМИЯ 36:14-32
224 
