Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВАРУХ СЁРМАДСЫНЕ ЕРЕМИЯНЬ ИНГОЛЬПЯЛИ НЯЕМАНЬ КОРХТАМАНЗОН
Весть Азорсь мярьгсь Еремиянди: "Сяфть эстейть книгань ашкоркс и сёрмадыть эзонза сембе валхнень, конатнень азондыне тейть Израильть, Иудать и сембе ломаньтналхнень колга... Пади, Иудань тарадоц кульсы, мезе срхкань тиемс мархтонза и кадсы пежетю кинц. Улендяряй тяфта, мон нолдасайне сембе пежетензон".
Еремия серьгядсь фкя ломань, лемоц Варух, и эняльдсь сёрмадомс сембе валхнень, конатнень Азорсь кармай азондомост вельденза. Мзярда Варух семботь сёрмадозе книгань ашкорксс, эста Еремия мярьгсь тейнза: "Монь аф нолнесамазь Азорть кудс. Архт тон тов постонь шиня и лувить ашкорксста Азорть валонзон. Лувить марявиста Иудань сембе ломаттненди, конат сайхть тов. Пади, синь кармайхть озондома Азорти и эрьсь аерды эсь кяжи кистонза. Вдь Азорсь пяк кяжиясь тя ломаньтналть лангс и мялец пантфтомс сонь шумонц".
Варух тиезе семботь, мезе мярьгсь Еремия, Азорть кудса лувозень ашкорксста Шкаень валхнень. Тя ульсь Иудань оцязорть Иоакимонь, Иосиянь цёранц, оцязорондаманц ветеце кизоня. Тя шиня азфоль пост Ерусалимонь марнек ломаньтналти и сембонди, кит састь Ерусалиму Иудань лия ошста.
ЕРЕМИЯ 36:1-10
222 
