Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
СОКОРГОТФ ДУШМАТТ
Мзярда Сириясь тюрсь Израильть мархта, Елисей пачфнесь латта Израилень оцязорти, коса ащихть Сириянь ушмовийхнень лоткама вастсна. Тянь панчсезе тейнза Шкайсь, и сяс Израильсь най сяськондсь. Сириянь оцязорть сявозе таколдома, арьсесь, ломанензон ёткса ули прянь мий. Аньцек фкя покодиец мярьгсь тейнза: «Оцязорозе, кивок ашезе ми прянц. Тя Израильса эряй Елисей шкаймаряйсь азондсыне израилень оцязорти семботь, нльне ся валхнень, конатнень тон азондсайть удомань кудбялькссот».
Оцязорсь мярьгсь содамда, коса эряй Елисей и сявомда сонь полонц. Кодак содазь эряма вастонц, Сириянь оцязорсь кучсь тов оцю ушмовий. Мзярда сириянь эряйхне састь Елисеенди, сон озондсь Азорти, мярьгсь: "Сокоргофтыть синь". Азорсь сокоргофтозень синь. Шкаймаряйсь вятезень сириянь сокорготф ломаттнень эсь ошстонза Самарияв. Мзярда пачкодсть тов, Елисей мярьгсь: "Азорозе, панжить сельмоснон, катк няихть". Азорсь панжезень сельмоснон, и сят няезь – ащихть Самариять кучкаса. Израилень оцязорсь синь няемстост мярьгсь Елисеенди: "Шкаень ломань, машфтсайне синь?" Каршезонза ся мярьгсь: "Тяйть машфне. Кали тон эсь торсот и налкссот сявить полонц и срхкать шавомост? Макст тейст кши, ведь; катк ярхцайхть-симихть и мрдайхть оцязорснонды". Синь андозь-симдезь и нолдазь. Оду сириянь ушмовийхне ашесть яка Израилень модати.
Шкаень валсь тонафтсамазь аф кяжень пандома, а паронь тиема и душманонь кельгома: «Кда вачеда душманце, антк кшида, кда шяйсь потмоц, симтьк ведьта». «Кельгость душманонтень, бславасть сюдыентень, пара тиеда сятненди, кит афоледязь няе, озондода седиень керыентень и панциентень инкса». «Сяськонтьк кяжть пароса».
ОЦЯЗОРХТ 4-ЦЕСЬ 6:8-23; ВАЛМУВОРКСОНЬ КНИГА 25:21; МАТФ. 5:44; РИМЛЯТТНЕНДИ СЁРМА 12:21
204 
