Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
НЕЕМАН ПЧКЯСЬ
Нееман крандаскаса ардсь Елисеень кудонцты, лоткась орта лангс. Елисей кучезе ломаненц тейнза азомонза: «Архт, сисемксть эшеляк Иорданца, меки одкстоми киськце, улят аромф». Ня валхнень кулемста Нееман пяк кяжиясь, мярьгсь: «Мон арьсень, сон лиси каршезон, серьгядьсы Азорть, Шкаенц, путсы кяденц сяряди вастозон и сявсы стака урмазень. Кали Авана и Фарфар – Дамасконь ляйхне аф сяда цебярьхть Израилень сембе веттнень коряс? Кали мон афолень штав и афолень ароптов эсост?» Кяженьбачк сон тусь Елисеень кудонц маласта.
Тяса нажядсть малазонза уренза, ушедсть корхнемонза: «Аляньке, мезевок стака мярьголь тиемс шкаймаряйсь, кали афолить тие?! Тяни мезе, мярьгсь аньцек: "Штак, улят аромф». Тяда меле Нееман ляпомсь, тись шкаймаряйть валонц коряс. Тусь Иордан ляйти, сисемксть чёпафтсь эзонза и киськоц аромсь, тиевсь ёмла шабаннеть лаца.
Эста сон мрдась Шкаень ломанти, мярьгсь тейнза: "Тяни содайне, аш косовок модать лангса Шкай, ули аньцек Израильса. Сяволить урецень кядьста казнеть". Елисей ашезь сяве, хуш Нееман пяк эняльдсь. Явомстост Нееман мярьгсь шкаймаряйти, кле, оду аф кармай макссема плхтамань и лия озказнет кодамовок шкаенди, Азорда башка.
Тяфта ёмла стирнять виде валонц вельде Нееман пачкодсь афкуксонь эрек Шкайти.
ОЦЯЗОРХТ 4-ЦЕСЬ 5:9-17
202 
