Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИУДАСЬ – ЛЯМБЕ ШИРДЕНЬ МАСТОР
Иудась али Лямбе ширдень масторсь ащесь колма сятт ведьгемоньшка киза. Сон срадсь 135 кизонь ётазь Кельме ширдень масторть срадомда меле. Лямбе ширдень масторса полафнекшнесь комсь оцязор.
Лямбе ширдень масторса ламоц оцязорхне аеркшнесть Шкайть эзда, сюконякшнесть лия шкаенди и вятсть пежетю эряф. Сяка конат-конат покодсть эрек Шкайти. Конатнень-конатнень оцязорондамстост, кепотьксонди, Езекиянь и Иосиянь, ломаттневок шарфнесть Шкайти. Эста оцязорхне срафнекшнезь лия шкаенди озондома васттнень, кошарязь ломаньтналть лувондомс Шкаень Валть, аф тиендемс кальдяв тефт, ванфтомс Шкаень сембе койхнень.
Ломанень лувксс коре Иудань масторсь котошкаксть сяда ёмлаль Израиленнеть коряс. Перьфкаст эряй ломаньтналхнень коряс Израилень и Иудань масторхневок аф оцюфтольхть. Хуш синь ашесть ладя эсь ётковаст, сяка васень душманокс ляткшнесть тейст виде шкайфтома ломаньтналхне: кельме ширеса Сириясь (Арам), шинь стямаса – вии масторхне Ассириясь и Вавилонць, лямбе-шинь мадомаса филистияннетне и лямбе-шинь стямаса – Моавсь.
Мзярс Иудась и Израильсь эрясть Шкаень видешиса, синь сяськондсть тюремста. Мзярда синь ломаньтналсна и оцязорсна эрясть койфтомашиса, Азорсь пантфнезень шумоснон, макссезень душматтнень кядьс. Сяка Азорсь ашезе кадонда тя ломаньтналть и ванфтозе сонь. "Шкайсь музе сонь пичефксу, мезеньге аф раштай шавмодаса, ванфтозе эсь сельмаванянц лаца" (Омбоце койсь 32:10).
188 
