Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
МОИСЕЕНЬ ТЕВОНЬ ПОЛАДЫЕЦ – НАВИНОНЬ ИСУС
Моисей пяк сиредсь, Шкайсь тейнза мярьгсь, курок, кле, кулат. Куломдонза инголе Моисей озондсь – путоза Азорсь вастозонза Шкаень ломаньтналти вяти, тяст уле синь ваныфтома учакс.
Эста Азорсь мярьгсь тейнза: «Сявк эстейть Исусонь, Навинонь цёранц, ломанть, конаса ули Шкаень Ваймопожф. Путыть лангозонза кяттнень и озонтт инксонза Шкайти. Ладяк Елеазар озксвятить инголи, марнек ломаттнень инголи, путк сонь вятиень вастти сембонь сельминголе. Явоштта тейнза кайги лемцень эзда, кулхцондозазь сонь Израильть сембе ломаненза». Моисей тись стане, кода кошардозе Азорсь.
Навинонь Исус ульсь салавань кемгафтува ваныхнень эзда фкясь, конатнень Моисей кучсезень Канаанонь мастору. Синь эздост кемоттне кандсть мялень колай кулят. Аньцек Навинонь Исус и Калев кепсезь ломаньтналть мяленц, корхтасть: «Азорсь максы тейнек сувамс тя модати!»
Ся шиста ётась нильгемонь киза ни, израилень ломаттне сембе тя пингть ётафтозь шавмодаса. Тя пингста кулсесть сембе ломаттне, кит Египетста лиссть оцюста ни. Сембось лиссь стане, кода корхтась Шкайсь: "Ефоннонь Калевда и Навинонь Исуста башка, кивок эздонт аф сувай модати, конань мон надияфтонь максомс тейнть эряма вастонди. Аньцек вятьсайне тов тинь идентень, кинь инкса пеледе – повихть душманонь кядялу. Нильгемонь ши тинь ванондость модать, нильгемонь киза тейнть сави кирдемс сталмот, киза фкя шить инкса. Тяфта содасть, мезе стамсь моньфтомон лядомась".
ЛУВКСТ 14:29-31, 34-35; 27:18-23
120 
