Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВАЛААМ ШКАЙМАРЯЙСЬ И АНГЕЛСЬ
Моавитонь ломаттне ащесть каршек израилень ломаньтналти. Мзярда израилень ломаттне озасть эряма моавиттнень модас, тостонь оцязорсь тердезе Валаам шкаймаряйть*а: "Сак тяза и сюдок израилень ломаньтналть." Азорсь мярьгсь шкаймаряйти: «Тят яка мархтост и тяк сюда тя ломаньтналть, сяс мес сон бславаф».
Аньцек Валаам ашезе кулхцонда Шкайть. Озась осёл лангс и тусь моавитонь ломаттненди. Шкайть кяжец крьвязсь тянкса лангозонза, Азоронь ангелсь арась и перязе кинц. Мзярда осёлоц няезе ки лангса ангелть, конань кядьсонзоль тор, шарфтсь ки лангста паксяв. Валаам ушедсь пиксомонза осёлть, ёрась мрдафтомс кити. Аньцек осёлсь ангелть няемста одукс кадозе кинц, сяльде мадсь. Шкаймаряйсь тага кармась пиксомонза.
Эста Азорсь панжезе осёлть кургонц, и ся корхтазевсь ломанень вайгяльса: «Мезенкса колмоцеда ни пикссят эсон?» Азорсь панжезень Валаамонь сельмонзон, сонга няезе торонь кирди ангелть. Валаам сюконясь и прась инголенза плманжа лангс.
Ангелсь мярьгсь тейнза: «Мезенди пикссить осёлцень колмоцеда ни? Мон арань каршезт, мес инголен кице аф виде». Валаам пшкядсь тейнза: «Сувафтыне ваймозень пежетьс, ашине сода – тон кизень перяйть. Кда аф мялезт молемазе, эста мрдан». Ангелсь мярьгсь тейнза: «Архт ня ломаттнень мархта, аньцек корхтак сянь, мезе мон карман корхтама тейть».
Моавитонь ломаттне, кодак няезь тейст малады Валаамонь, мярьгсть тейнза: «Сюдок... сялтк Израильть». Валаам каршезост: «Кода сюдоса? Шкайсь ашезе сюдокшне. Кода сялдса? Шкайсь аф сялдсы». Валаам сюдомать вастс кафксть бславазе Израильть.
ЛУВКСТ 22:3-35; 23:7-20
*а Шкаймаряй – Шкаень маряй ломань, пророк.
118 
