Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ЗРНЯНЬ ОД БУКА
Моисей ульсь панда пряса нильгемонь ши. Ломаттне ваныхть – Моисей ламос аш, мольсть Аарононди, мярьгсть: "Тихть тейнек шкай, кона молель инголенк, сяс мес аф содасаськ, мезе тиевсь Моисеень, Египетста лихтиеньконь мархта". Эста Аарон мярьгсь тейст: "Валхтость пилестонт зрнянь пильксонтень, кандость тейне". Синь кандозь пильксснон, Аарон сявозень, валсь эздост од бука. Израилень ломаттне няезь од букать, ювадсть: "Вов тонь шкайце, Израиль, кона лихтензе Египетста!" Омбоце шиня кандсть озказнет од букати и озасть ярхцама-симома, тяда меле ушедсть кштима-морама.
Азорсь мярьгсь Моисеенди панда пряса: «Эряскотт валгомс, сяс мес кольсь ломаньтналце, конань лихтить Египетонь модаста; курокста синь шарфтсть ся киста, конати мон путыне...» Шкайсь ёразе машфтомс кашан ломаньтналть, аньцек Моисей эняльгодсь тейнза, корхтась: «Азорозе, тяза крьвязе кяжце эсь ломаньтналцень лангс, конань лихтить Египетста, афолезаст мярьге египетэряйхне: "Юмама-арама сон сявозень, панда лангса шавомост, модашамаста нардамост". Сявк эздост толонь кяжцень и полафтк мяльцень – тяйть машфне...»
Марязе Азорсь тя эняльдемать и полафтозе мяленц, ашезе тие сянь, мезе ёрась.
Эста Моисей валгсь панда пряста, мархтонза валхтозень кошардомвал мархта седяфнень. Мзярда сась ломаньтналти и няезе, кода сят лисендихть эсьстост, пяк кяжиясь. Моисей ёрдазень седяфнень кев лангс и колазень синь. Сяльде сон сявозе зрнянь од букать, плхтазе, тапазе пулькс арамозонза и срафтозь ёрдазе ведти. Тя ведть симфтезе израиленнетнень кядьста.
ЛИСЕМА 32:1-20
104 
