Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
КЕМОНЬ КОШАРДОМВАЛХТ
Моисей ломанць пяк сятяволь. Сон ульсь Шкаень кочкаф ломанькс, кона сембоса кулхцондозе Шкайть. Сяс Азорсь корхнесь ломаньтналти Моисеень вельде.
Весть, мзярда Израилень ломаньтналсь лоткась Синай пандть ваксс, Моисей куцсь панда пряв. Тоса Азорсь макссь тейнза кевонь кафта седяфт. Лангсост сёрматфоль кемонь кошардомвалхт, конат эрявсть ванфтомс ломаньтналти. Вов синь:
«Мон – Азорсь, тонь Шкайцян, кона лихтензе Египетста, урешинь модаста. Тяст уле тонь лия шкайхне мондедон башка.
Тят тиенде эстейть шкайхть сятнень эзда, мезсь вяре менельса, мезсь алува мода лангса и мезсь модада алува ведьса. Тят сюконякшне тейст, тят покоде тейст...
Тяк кунце Азорть, Шкайцень, лемонц стакащемда, сяс мес Азорсь пантфтсы сянь шумонц, кие кунцесы лемонц стакащемда.
Тяк юксне иняруяфнемс ваймама шить. Кота шит покотть, тиендить сембе тефнень, ина сисемце шить, ёткшить, лемтьк Азорти, Шкайценди...
Лувить тядятнень-алятнень. Эста кувалгодыхть тонь шитне ся модать лангса, конань Азорсь, Шкайце, макссы тейть.
Тят шава.
Тят усксев.
Тят сала.
Тят васькафне маластоцень лангс.
Тят пута сельме маластоцень кудонц лангс, тят пута сельме аф рьванц, аф уренц, аф уряванц, аф буканц, аф осёлонц – кодамовок уликсонц лангс».
ЛИСЕМА 20
102 
