Выбрать язык
Выбрать рассказ Ветхого Завета
Выбрать рассказ Нового Завета
Тунам фараон Израиль калыкын чыла эрге азаштым эҥерыш кышкен пуштедаш кӱштен.
Тиде жапыште Израиль тукым гыч ик ӱдырамаш эргым ыштен. Кум тылзе тудо эргыжым шылтен ашнен. Вара, шылташ йӧсӧ лиймеке, омыж дене ыштыме комдым налын, тушко азажым пыштен, Нил эҥер сер воктенысе омыж коклаш шылтен. Омыж коклаш шылтен кодымо эргыжым ӧрдыж гыч эскераш кугурак ӱдыржым колтен.
Фараонын ӱдыржӧ эҥер деке мушкылташ лектын улмаш. Омыж коклаште улшо комдым ужын да аза шортмо йӱкым колын, комдым шке декше кондаш кӱштен. Изи эрге азам ужмеке, фараонын ӱдыржӧ йочам чаманен да шкеж деке налаш шонен пыштен.
Тыгодым азам эскерен шогышо акаже тушко миен, аза пукшышо ӱдырамашым кычалаш темлен. Фараонын ӱдыржӧ келшен. Тунам азан акаже тышке шке аважым конден. Фараонын ӱдыржӧ ӱдырамашлан азам пукшаш налаш кӱштен да пашадарым тӱлаш сӧрен. Ӱдырамаш шке эргыжым уло кумылын пукшаш налын. Азан кугурак лиймекыже, ава тудым фараонын ӱдыржӧ деке намиен. Тудыжо йочам эргылыкеш налын, тудлан Моисей лӱмым пуэн. Моисей фараонын кӱполатыштыже илен гынат, еврей улмыжым пален. Кушкын шумекше, Моисей шочмо калыкшын илышыжым сайынрак пален налаш шонен. Тудо калыкын индыралт илымыжым ужын.
Лекмаш (Исход) 2:1-14
38 