Выбрать язык
Выбрать рассказ Ветхого Завета
Выбрать рассказ Нового Завета
Шуко ий эртен, Иаковын чыла эргыж-влакат коленыт.Иаковлан Юмо Израиль лӱмым пуэн улмаш. Тиделӱмжӧ, мемнан йылмыш кусараш гын, «Юмын кучедалшыже» манмым ончыкта. Иаковын чыла тукымжым Израилькалык маныт. Иаковын шочшо-кушшо-влакшым тыгак еврейманын лӱмдат.
Иосифын колымыж деч вара Египетыште вес фараон кугыжаланаш тӱҥалын. Садыже Иосиф да тудын поро пашаж нерген нимомат пален огыл. Израиль калыкын чот шукеммыже да Египет калык деч виянрак лиймыже фараонлан келшен огыл. Тудо шке калыкшылан тыге ойлен: «Айста ынде ме ушанрак лийына. Тек нуно умбакыже ынышт шукем. Уке гын сар жапыште нуно, тушманна дене ушнен, ваштарешна кынелыт да элна гыч лектын каен кертыт».
Израиль калыкым кид йымалнышт кучаш фараон тӧравлакым*а шогалтен. Нунышт тиде калыкым неле паша дене орландарышаш улыт улмаш. Но моткоч шыгыремденыт гынат, калык чот шукемын да шарлен. Тӧра-влак тудым эшеат чот индыреныт, моткоч йӧсӧ пашам ыштыктеныт. Юмо Тудлан ӱшаныше Израиль калыкшын индыралтмыжым ужын. Садлан Тудо ты калыклан утарышым колташ шонен пыштен.
Лекмаш (Исход) 1:6-14
*а Тӧра – кугу вуйлатыше.
36 