Выбрать язык
Выбрать рассказ Ветхого Завета
Выбрать рассказ Нового Завета
Ӣсус *aсат атыт хо̄талт сорумн патыс. Еврей ма̄хум Пилат палт минасыт, вос тав ла̄ви, пе̄рнатн ратым хумыт ёл-аӈхуӈкве ман ати. Сабат мус тан тот ул вос хультэгыт. Та сабат-хо̄тал яныг ялпыӈ хо̄талы̄г о̄лыс. Пилат тахкасасяс. Хонтхумыт кит хорахси лагылсоранэн сяр пулигратсаныл. Тан суссыт, Ӣсус сорумн патыс ос Тав лагылсоранэ ат новсаныл. Акв хонтхум овтатэ Тав онтылэн (каккыр-похен) тусьтыстэ, нюлмил келп ос вит сосхатас.
Ты юи-палт Пилат палт акв ваныӈ, сёлыӈ хум ёхтыс, тавнаме Усюп. Тав Аримафея нампа ма̄ныл о̄лыс. Усюп о̄с Ӣсусханисьтахтын хумы̄г о̄лыс. Усюп Пилат палт Ӣсус алпитэво̄вуӈкве ма̄гыс ёхтыс, паг тотнэ ма̄гыс. Пилат касасяс. Оссоветныл акв хум ёхтыс, наме Никодим. Тэн аквъёт Ӣсусалпитэ ёл-вистэн ос, бальсамыл сартым, понал торн манигтастэн. Тох еврей ма̄хум сорумн патнэ ма̄хманыл ёл-сёпитасаныл. Та ма̄т, хот Ӣсус пе̄рнан керсолил ратвес, пилыӈйивпа кан о̄лыс ос тот керас кивырт ёл-пиннэ ма̄гыс ма̄о̄лыс. Усюп ос Никодим Ӣсус алпитэ тув пиныстэн. Кераснюв-сялтнэ ма̄ яныг а̄хвтас пинсыг.
Сабат-хо̄талт яныг пӯп-ойкат ос мир кусяйит Пилат палтёхтысыт ос Ӣсус урыл ла̄всыт: "Кусяюв! Ма̄н номылматсув,та урккыӈ хум ла̄выс: 'Хурум хо̄тал юи-палт но̄х-ялтэгум',таимагыс ла̄вен, вос курсипе хурум хо̄тал сыс ургалаве. ТахТав ханисьтахтын хуманэ ёхтуӈкве вермегыт, алпитэ тулмантыяныл, тувыл ла̄вегыт, эрттам Тав но̄х-ялтыс". "Вуенургалан хумыт", — Пилат ла̄выс, — "ос хумус вермегын,курсип ургалэлын". Тан тох та ва̄рсыт.
Матфей 27:57-66; Иоанн 19:31-42
*a* Ты потрэт сат атыт хо̄тал ма̄н календарюв сирыл о̄лы (русь ла̄тӈыл пятница ос Еврей календарь сирыл: сат хотыт хо̄тал) Ты хо̄тал юн-палт сабат-хо̄тал (суббота) о̄лыс.
88 