Выбрать язык
Выбрать рассказ Ветхого Завета
Выбрать рассказ Нового Завета
Ӣсус палтэ сав ма̄хум йисыт. Тан о̄лыглаттал накытсунсысыт ос Ӣсус потранэ хулуӈкве таӈхысыт. ӢсусТаквинатэн китхуйплов (12) ханисьтахтын хум перияс: Симон Пётр, Андрей, Иоан, Яков, Филипп, Варфоломей, Матфей, Фома, Яков Алфей пыге, Фаддей, Симон Кананит осИуда Искариот, тав ётыл Ӣсус тыналастэ. Ханисьтахтынхумыт аквписыг Ӣсус ёт о̄лсыт, ос Тав тананыл ханисьтасанэ. Ётыл ты ханисьтахтын хумыт *a'Апостол' намыл намаявесыт.
Аквматнакт Ӣсус ур алан минас ос тув унтыс. Тав похатэт ханисьтахтын хуманэ люльсыт, тан мувлахи сав миратхатас. Маныр Тав то̄нт ханисьтахтын хумытн ос мирн ла̄выс, ань *бЁмас Ля̄ххалт хансым о̄лы. Тав потрэ 'Ур ала потрыл' намаявес. Ты потрэт Ӣсус То̄рум хо̄н-ма̄ палт лёӈх хулты.
Ма̄н нэ̄пакувт това ханисьтан наканэ хансэв:
"Маныр мо̄т ма̄хмытн нан магсылын ва̄руӈкве эри? Маныр нанан ёмас? Таи та нан нанки тананылн ва̄рен".
"Хотъют ёт кантмалтахтэгын-ке, манос хотъют нупылкантлэгы̄н, моляхнув ёмасмахтэ̄н. Хотъют нупыл матыркант оньсегын-ке, хот-ёрувлэлын. То̄нт То̄рум Ась нан кареканын ос хот-ёрувлыянэ. Ос ма̄хум кареканыл ат ёрувлылын-ке, то̄нт То̄рум Ась нан кареканын ос ат хот-ёрувлыянэ".
Тувыл акв э̄лмхо̄лас Ӣсус китыглас: "Ханисьтан Хум! Хоты са̄ккон са̄кконанын халт сяр яныг?" То̄нт Ӣсус таве̄н ла̄выс:
"Сымыӈысь, такысь, лылыл, номтыл То̄рум э̄руптэ̄лын.Тыи та — сяр о̄выл яныг са̄ккон. Китыт са̄ккон ос яныг: 'Ляпа олнэ ма̄хман тох э̄руптэн, хумус наӈкинанн э̄руптылын'."
Марк 3:13-19; Матфей 5-7; 22:36-40
*a* Апостол — ля̄ххал тотнэ ма̄гыс кетым хум.
*б Ёмас Ля̄ххал — ты русь ла̄тӈыл Евангелие.
72 