Выбрать язык
Выбрать рассказ Ветхого Завета
Выбрать рассказ Нового Завета
Ӣсус Капернаум ӯст олмыгтас, ты ӯс Геннисарет нампатур ватат люли. Тот Тав махмытн потыртаӈкве патыс:"То̄рум хо̄н-ма̄ ляпат, таимагыс кареканын хот-вуськасавен". Тав юи-палэт сав мир йис. Тав тананыл ханисьтас осагмын ма̄хум пусмалтас.
Аквматнакт Ӣсус Геннисарет нампа тур ватат люлис.Мир хунтлуӈкве таӈхыс, маныр Тав ла̄ви, таимагыс сав мирТав ляпатэт атхатас. Тур ватат кит хул алысьлан хапыглюльсыг, хул алысьлан хумыг хӯлпанэн ловтсыг. Ӣсус аквхапн унтыс, хап кусяен, Симон-ойкан, тур ватаныл мось э̄лнув минуӈкве ла̄ввес. Тувыл Тав ма̄хум хаптныл ханисьтас.Хунь Тав потранэ холасыт, Тав Симонын ла̄выс: "Милнувма̄н товен ос хӯлпын репыгтэлын". Симон ювле-ла̄выс: "Ханисьтан хум, ма̄н э̄т палыт кос хулупъясув, нэматыр катн атпаттысув! Ам ос тох ва̄регум, хумус Наӈ ла̄всын".
Тан хулуп репыгтасыт ос тасавит хул алсыт, хӯлпанылтарвитыл ат веритас, маныгтахтуӈкве патыс. Юртаныл тананылн нётуӈкве во̄всаныл, аквъёт тан кит хапыг таглэг хӯлыл такем та̄гиньтаптасаныл, хапаганыл витн ёл-уйттахтуӈкве патсыг. Симон, ос мо̄т наме Пётр, Ӣсус э̄лы-палтсанспуӈкын ёл-унтыс ос ла̄выс: "Кусяюм, ам карек оньсегум!" Пётр ос тав юртаге Яков, Иоан ос мо̄т хул алысьланхумыт о̄сятахтыгласыт, хунь тасавит хул касаласыт. Ос Ӣсус Пётрн ла̄выс: "Ул пилэн, ты пораныл наӈ э̄лмхо̄лас пувуӈкве патэгын". Пётр юртанэтыл хапаныл паг-хартсаныл,тан пес олупсаныл хот-хультупсаныл ос Ӣсус ханисьтахтынхумы̄г е̄мтсыт.
Лука 5:1-10
70 