Выбрать язык
Выбрать рассказ Ветхого Завета
Выбрать рассказ Нового Завета
То̄рум мир олнэ ма̄н Ӣсус Кристос, Такви Пыге, кетыстэ,вос Тав олнэ мир карекытныл ос со̄румныл ве̄сты. Тавсамн патме юи-палт мир олнэ ма̄т йильпи эра е̄мтыс. Аньма̄н талыт та по̄раныл ловиньтэв, хунь Ӣсус Кристос самнпатыс.
Хумус Ӣсус самн патыс, ты сяр о̄лыглаттал нак. О̄влэттох о̄лыс: мань Назарет ӯст, Израиль ма̄т, луи ерт, акв а̄гио̄лыс, наме Мария. Тав То̄рум э̄руптас ос сыстам сым оньсис. Аквматнакт тав э̄лы-палэт ангел, наме Гаврил, нэглыс.Ты ангел То̄рмыл кетым о̄лыс. Мария таве касаластэ осмось рохтыс. Ос ангел таве̄н ла̄выс: "Мария, ул пилэн! То̄рум наӈ нупыл ёмас номт оньси! Наӈ пыг катн-паттэгын, Таве Ӣсус намыл намтылын".
Та порат Мария маньнэ̄г акв ёмас веськат хум палт ла̄вим о̄лыс, ты хум наме Усюп. Мария ангел китыгластэ: "Хумус тох е̄мты, ам хум иӈ ат ва̄рсум?" Ангел ювле-ла̄выс:"Ялпыӈ Лылы наӈын хонтытэ ос То̄рум Кусяй такви ёрэнаӈын кеты. Таима̄гыс ня̄врамын ялпыӈ ня̄врамы̄г паты, То̄рум Пыгы̄г намаяве". Мария ла̄выс: "Ам То̄рум метнэ̄. Восам ётум пуссын тох е̄мты, хумус наӈ ла̄всын".
Хунь Усюп Мария ня̄врам урнэтэ урыл хулыс, тав таветартуӈкве таӈхыс. То̄нт То̄рум ангел тав улмен ёхтыс ос ла̄выс: "Усюп! Ул пилэн Мария нэ̄г виӈкве, тав ня̄враме ЯлпыӈЛылыл ня̄врам. Тав Пыг катн патты, ты Пыг такви ма̄хманэкарекытныл ве̄сты, таима̄гыс наӈ Тавен Ӣсус нам мыгын". Ӣсус нам тох толмасьлаве: "То̄рум ве̄сты".
Матфей 1:18-21; Лука 1:26-35
58 