Выбрать язык
Выбрать рассказ Ветхого Завета
Выбрать рассказ Нового Завета
Ты нэ̄пак о̄влэт потырты, хумус То̄рум Такви хурипатээ̄лмхо̄лас ва̄рыс. То̄рум таӈхыс, вос э̄лмхо̄лас Тав хурипатэ паты: ёмас ва̄рнэ хотпаг, веськаты̄г каректал о̄лы. Оссяр о̄выл ма̄хманэ — Адам ос Ева — карекын хуйтвесыг.Мосертын ма̄ такем карекыл тагиньтас ос То̄рум ла̄выс:"Пуссын ма̄хум мо̄ри о̄лэгыт, ёмас ва̄рнэ ва̄рмаль атим,нэмхотъют нэматыр ёмас ат ва̄ри".
То̄рум акв мир перияс, вос ты ма̄хум Таве̄н агты, ма̄к То̄румн, вос ты ма̄хум Тав са̄кконанэ сирыл о̄лэгыт — ты израиль ма̄хум. То̄рум ты мир хосыт ма̄ янытыл олнэ ма̄хмытн ёмас э̄лаль олнэ ла̄тыӈ ла̄выс.
То̄рум ялпыӈ о̄лы. Карекан ма̄хум То̄рум ляпат о̄луӈквеат вермегыт. То̄рум ос ка̄сыӈ хотпа сака э̄рупты, таима̄гысТорум Такви ве̄стын ва̄рмаль ка̄сыӈ хотпа ма̄гыс ва̄рыс.
То̄рум Такви ла̄тӈэ тотнэ хуманэ тара израиль ма̄хумнМессия урыл, ос Тав ёхтнэтэ урыл, ла̄выглас. Ты Мессия — Ӣсус Кристос, То̄рум Пыге. Ялпыӈ Нэ̄пакт, Библият, Мессия урыл хансым о̄лы. То̄рум ла̄тыӈ тотнэ хум Исаия сатсаттал Ӣсус Кристос самн патнэтэ э̄лы-палт То̄рум Пыге самнпатнэтэ урыл ла̄выс.
То̄рум ла̄тыӈ тотнэ хум Исаия Нэ̄пакет хансым о̄лы, манрыг Мессия ты ма̄н ёхты — Мессия ты Ӣсус Кристос. Тавма̄хум карекытныл ве̄стуӈкве ёхтыс. Тав ма̄н кареканувма̄гыс таквинатэн сорум вис.
Хумус Нэ̄пакт хансым о̄лыс, тох та е̄мтыс, хунь ӢсусКристос ты ма̄н ёхтыс. Тувыл Нэ̄пак Ӣсус самн патнэтэурыл ос Тав олупсатэ урыл ла̄ви, хумус Тав мир ханисьтас.Нэ̄пакт ос Тав сорумн патнэтэ урыл ос Тав но̄х-ялтнэтэ урылхансым о̄ли.
Псалом 13:3; Исаия 9:6; 52:13-15; 53; Михей 5:1
*a* Мессия — ты еврей ла̄тыӈ Машиах толмасьлаве 'Сартым ут'. Ты грек ла̄тӈыл Кристос.
56 