Выбрать язык
Выбрать рассказ Ветхого Завета
Выбрать рассказ Нового Завета
Та по̄раныл сав тал минас, Авраам-ойка пыге янгы̄г е̄мтыс. Аквнакт Авраам-ойка акв рупитан хуме таквипалтэ во̄выстэ, Исаак ма̄гыс э̄ква тотуӈкве соссаӈ ма̄н, Месопотамия ма̄н, ялуӈкве ла̄выстэ.
Рупитан хум та ӯсн минас, хот Авраам каӈке о̄лыс. Та ӯснёхтыматэ поиксяӈкве патыс: "Кусяй, То̄рмум! Ам тыт, вита̄мартан во̄ӈха палт люлегум, ты ӯст олнэ а̄гит тыгле, витма̄гыс, ёхталэгыт. Акв а̄гин тах ла̄вегум: 'Анум вит маен!'Хотъют ювле ла̄ви: 'Аен, наӈ верблюданын ос витыл айтыянум', — та а̄ги Исаак палт ла̄вим о̄лы".
Тав иӈ поиксяс, хунь ӯсныл акв нётнэ а̄ги ёхтыс. Ты Вафуил а̄гитэ о̄лыс — наме Ревекка. Вафуил Нахор-ойка пыгы̄го̄лыс, Нахор ты Авраам тав каӈке. Хунь луситан хум витво̄выс, а̄ги сяр тох та ла̄выс, хумус ты хум То̄румн поиксяс.Верблюданэ ос витыл айтсанэ. Луситан хум хулыс, Ревекканасати Вафуил а̄гитэ, то̄нт тав То̄румн пумасипа ла̄выс.Тувыл тав Вафуил колн ёхтумет потыртас, хумус Авраамн соссаӈ ма̄н кетвес, пыген нэ̄л хайталаӈкве. Ань сяньась а̄гитэн во̄выстэн ос китыгластэн: "Таӈхегын ман ати тыэ̄лмхо̄лас ёт минуӈкве?" Ревекка касасяс, семьятэ ос касасяс, тувыл ёмас э̄лаль олнэ ла̄тыӈ а̄гитэн ла̄всы̄г, тувыл татартыстэн.
Ревекка Исаак палт тотвес, тох Исаак нэ̄ тотыс. Тэн китня̄врам осьсыг, наманэн Исав ос Яков. Тэн аквторыг самнпатсыг, кит ня̄врамы̄г о̄лсы̄г. Исав мось сартыннув самн патыс, тувыл Яков, таимагыс Исав о̄выл пыгы̄г о̄лыс.
Бытие 24:1-67; 25:24-26
18 