Выбрать язык
Выбрать рассказ Ветхого Завета
Выбрать рассказ Нового Завета
Ной ня̄враманэ о̄с сав ня̄врам осьсыт, тох Ной апганэныл сав савсыр ма̄хмыт нэглысыт. Ной-опарись апганэхалт акв хум о̄лыс, наме Авраам. Ты Авраам-хум То̄румэ̄руптас ос Тавен вескаты̄г о̄лыс. То̄рум тах ты хум юртыгоньсистэ.
Аквнакт То̄рум Авраамн ла̄выс: "Олнэ ма̄ныл мо̄т ма̄н,хоталь Ам ла̄вегум, тув минэн. Наӈ апгананныл акв яныгмир нэглы. Ам наӈын ёмас э̄лаль олнэ ла̄тыӈ мыгум. Хотъют наӈын ёмас э̄лаль олнэ ла̄тыӈ мыг, тана̄нылн Ам ос ёмасэ̄лаль олнэ ла̄тыӈ мыгум; ос хотъют наӈын люль ла̄тыӈла̄ви, Ам тана̄нылн саватан ва̄рмаль тотэ̄гум. Ам наӈ регылпуссын олнэ мирн ёмас ва̄рмаль ва̄регум".
Авраам Ханаан ма̄н та минас, То̄румн ла̄вим ма̄н. Та ма̄нСара э̄кватэ ос Лот апге, каӈке пыг, ёт висанэ. Ос рупитанма̄хманэ, уйхуланэ, пуссын пормасанэ ёт висанэ. Та ма̄т То̄рум Авраамн ла̄выс: "Ты ма̄ Ам наӈ ня̄враманн, апганн мыглум".
Авраам Ханаан ма̄т уйхул анянэ ёт ёмыс. Авраам ос Сара та мус матумы̄г емтсыг, ня̄врам иӈ ат осьсыг. АвраамТо̄румн ла̄выс: "Яныг Кусяюм! Ам ня̄врамта̄л та хультэ̄гум!" То̄рум таве̄н ла̄выс: "Но̄х, то̄рум нупыл сунсэн ос вермегын-ке, совыт ловиньтэн, мансавит е̄мты, тасавит ня̄врам-апыг оньсюӈкве патэгын". Авраам То̄румн агтыс, То̄румн тах тыи мустыс.
Авраам э̄кватэ ёт усьпылнув матсы̄г, сав пора минамкос, Авраам То̄рум ла̄тӈен иӈ та агтыс. Хунь Саран онтырсат талэ о̄лыс ос ойкатэн яныг сат талыг е̄мтыс, то̄нт та,То̄рум такви ла̄тӈе сирыл ва̄рыс: пыгыл майвесыг, Авраампыге Исаак намыл намаястэ.
Бытие 12:1-7; 13:14-16; 15:1-6; 17:15-16; 18:1-9; 21:1-3
16 