Выбрать язык
Книги Ветхого Завета
Книги Нового Завета
без русского текстаJOANNAN NÄGUDEZ | ОТКРОВЕНИЕ ИОАННА |
Глава 15 | Глава 15 |
| 1Sid' minä nägištin taivhas völ ühten suren da čudosižen tundmuzznaman: seičeme angelad, kudambad kandoiba seičeme pahad. Nene pahad oliba jäl'gmäižed, sikš ku niihe Jumalan viha lopihe-ki. | 1И увидел я иное знамение на небе, великое и чудное: семь Ангелов, имеющих семь последних язв, которыми оканчивалась ярость Божия. |
| 2Minä nägištin min-se, mi oli kuti meri st'oklaspäi, segoitadud lämoinke. St'okulmeren randal seižuiba ned, ked vägestiba živatan, sen kuvan, sen znaman da sen nimen lugun. Heiden käziš oliba Jumalan arfad, | 2И видел я как бы стеклянное море, смешанное с огнем; и победившие зверя и образ его, и начертание его и число имени его, стоят на этом стеклянном море, держа гусли Божии, |
| 3i hö pajatiba Moisejan, Jumalan käskabunikan pajod da Vodnhan pajod: — Sured da čudosižed oma sinun tegod, Ižand Jumal, Kaikenvaldaine! Oiktad da todesižed oma sinun ted, sinä jumalanuskojiden kunigaz! | 3и поют песнь Моисея, раба Божия, и песнь Агнца, говоря: велики и чудны дела Твои, Господи Боже Вседержитель! Праведны и истинны пути Твои, Царь святых! |
| 4Ken sindai ei varaida, Ižand, ken ei ülenzoita sinun nimed? Vaiše sinä oled pühä. Kaik mirun rahvahad tuleba sinun edehe da kumardasoiš sinei, sikš ku sinun tozioiktad tegod tuliba sil'mnägubale. | 4Кто не убоится Тебя, Господи, и не прославит имени Твоего? ибо Ты един свят. Все народы придут и поклонятся пред Тобою, ибо открылись суды Твои. |
| 5Necen jäl'ghe minä nägištin, kut taivhas avaižihe pühäkodi, Jumalan eländsija. | 5И после сего я взглянул, и вот, отверзся храм скинии свидетельства на небе. |
| 6Pühäkodišpäi läksiba seičeme angelad seičemen pahanke. Heil päl oliba sobad puhthas vauktas pautnaspäi, i rindhiš ümbri oli kuldasine vö. | 6И вышли из храма семь Ангелов, имеющие семь язв, облеченные в чистую и светлую льняную одежду и опоясанные по персям золотыми поясами. |
| 7Sid' üks' nelläs olijaspäi andoi seičemele angelale seičeme kuldasišt mal'l'ad, kudambad oliba täuded Jumalan vihad, hänen, ken eläb kaiken i igäks. | 7И одно из четырех животных дало семи Ангелам семь золотых чаш, наполненных гневом Бога, живущего во веки веков. |
| 8Jumalan hoštotez i hänen vägi täuti pühäkodin savul, i niken ei voind tulda pühäkodin südäimehe, edel ku oliba lopnus neniden seičemen angelan seičeme pahad. | 8И наполнился храм дымом от славы Божией и от силы Его, и никто не мог войти в храм, доколе не окончились семь язв семи Ангелов. |
Глава 15