Выбрать язык
Книги Ветхого Завета
Книги Нового Завета
без русского текстаKIRJEINE EVREJALAIŽILE | ПОСЛАНИЕ К ЕВРЕЯМ |
Глава 10 | Глава 10 |
| 1Käskišt om vaiše kuti tulijan paremban elon kuvahaine, a ei ole iče azjoiden jüvä. Sikš käskišt nikut ei voi jogavoččil ühtejiččil žertvoil tehta kaikiš polišpäi hüvikš nenid, kudambad astuba Jumalan edehe. | 1Закон, имея тень будущих благ, а не самый образ вещей, одними и теми же жертвами, каждый год постоянно приносимыми, никогда не может сделать совершенными приходящих с ними. |
| 2A muite nece žertvan tomine altarile oliži loptud, sikš ku kaik žertvoiden tojad oližiba jo kerdan i igäks puhtastanus, i hö ei rižaiži nimiččid grähkid henges. | 2Иначе перестали бы приносить их, потому что приносящие жертву, быв очищены однажды, не имели бы уже никакого сознания грехов. |
| 3No žertvad vastkarin johtutaba grähkiš joga voden, | 3Но жертвами каждогодно напоминается о грехах, |
| 4sikš ku kozliden da härgiden verel ei voi pästta mehen grähkid. | 4ибо невозможно, чтобы кровь тельцов и козлов уничтожала грехи. |
| 5Sikš Hristos sanub mirhu tuldes: — Žertvoid da lahjoid sinä ed tahtoind, no sinä tegid minei hibjan. | 5Посему Христос, входя в мир, говорит: жертвы и приношения Ты не восхотел, но тело уготовал Мне. |
| 6Poltandžertvad da grähkiš todud žertvad sinei ei olnugoi mel'he. | 6Всесожжения и жертвы за грех неугодны Тебе. |
| 7Siloi minä sanuin: kacu, minä tulen täutmaha sinun tahtod, Jumal, muga kut om kirjutadud turuškkirjaha minun polhe. | 7Тогда Я сказал: вот, иду, как в начале книги написано о Мне, исполнить волю Твою, Боже. |
| 8Ezmäi Hristos sanui: «Žertvoid da lahjoid, poltandžertvoid da grähkiš todud žertvoid sinä ed tahtoind, ned ei olnugoi sinei mel'he», hot' käskišt märičeb-ki nenid žertvoid toda. | 8Сказав прежде, что `ни жертвы, ни приношения, ни всесожжений, ни жертвы за грех, --которые приносятся по закону, --Ты не восхотел и не благоизволил', |
| 9No sid' hän sanub: «Kacu, minä tulen täutmaha sinun tahtod, Jumal.» Ka hän heitäb nene käsköd i paneb niiden sijale Jumalan tahton. | 9потом прибавил: `вот, иду исполнить волю Твою, Боже'. Отменяет первое, чтобы постановить второе. |
| 10Necen tahton mödhe meid om puhtastadud grähkišpäi kerdaližel žertval, konz Iisus Hristos andoi žertvaks ičeze hibjan. | 10По сей-то воле освящены мы единократным принесением тела Иисуса Христа. |
| 11Jogahine pap seižub kaikuččen päivän vedämas službad da tob kaikuččen kerdan ned-žo žertvad, kudambad nikonz ei voigoi pästta grähkid. | 11И всякий священник ежедневно стоит в служении, и многократно приносит одни и те же жертвы, которые никогда не могут истребить грехов. |
| 12Hristos vastkarin om tonu ühten üksjaižen žertvan, ičeze hengen, i ištnus igäks Jumalan oiktale kädele. | 12Он же, принеся одну жертву за грехи, навсегда воссел одесную Бога, |
| 13I sid' hän varastab, kuni hänen vihanikad pandas hänen jaugoiden alle. | 13ожидая затем, доколе враги Его будут положены в подножие ног Его. |
| 14Hän ühtel žertval igäks tegi kaikiš polišpäi hüvikš nenid, keda puhtastadas grähkišpäi. | 14Ибо Он одним приношением навсегда сделал совершенными освящаемых. |
| 15Necen polhe meile todištab Pühä Heng-ki. Ezmäi muga: | 15О сем свидетельствует нам и Дух Святый; ибо сказано: |
| 16— Necen kožmusen minä tegen heidenke neniden päividen jäl'ghe, sanub Ižand: minä panen ičein käsköd heiden südäimihe, kirjutan ned heiden melihe. | 16Вот завет, который завещаю им после тех дней, говорит Господь: вложу законы Мои в сердца их, и в мыслях их напишу их, |
| 17Sid' völ sanub: — Heiden grähkid da pahoid azjoid en muštaškande enambad. | 17и грехов их и беззаконий их не воспомяну более. |
| 18A kus grähkäd om pästtud, sigä niiš ei pida enamb toda žertvoid. | 18А где прощение грехов, там не нужно приношение за них. |
| 19Velled, mö voim rohktas mända Kaikišpühembaižhe, sikš ku Iisus Hristos om tonu žertvaks ičeze veren | 19Итак, братия, имея дерзновение входить во святилище посредством Крови Иисуса Христа, путем новым и живым, |
| 20i avaidanu sil meile uden, eloho vedäjan ten, kudamb mäneb keskuudimen kal't — hänen hibjan kal't. | 20который Он вновь открыл нам через завесу, то есть плоть Свою, |
| 21Meil om sur' ülembaine pap, kudambale om anttud käzihe kaik Jumalan pühäkodi. | 21и имея великого Священника над домом Божиим, |
| 22Ka astkam Jumalan edehe mugomin, miše oliži südäin puhtaz da uskond — täuz'. Ved' meiden südäimed om čorsktud puhthikš kaikes mugoižes, mi väritab meid Jumalan edes, i meiden hibjad om pestud puhthal vedel. | 22да приступаем с искренним сердцем, с полною верою, кроплением очистив сердца от порочной совести, и омыв тело водою чистою, |
| 23Mö sanum: Mö nadeimoiš Jumalaha. Ka püžugam likahtamata neciš nadejas, sikš ku toivotusen andajale voib uskta. | 23будем держаться исповедания упования неуклонно, ибо верен Обещавший. |
| 24Pidägam hol't toine toižes, rohkenzoitkam toine tošt armastushe da hüvihe töihe. | 24Будем внимательны друг ко другу, поощряя к любви и добрым делам. |
| 25Meile ei pida tacta uskondkundan ühthižid suimid, mihe erased oma hargnenuded, a pidaiži tomotada toine tošt sidä enamba, midä lähemba nägub Ižandan päivän tulend. | 25Не будем оставлять собрания своего, как есть у некоторых обычай; но будем увещевать друг друга, и тем более, чем более усматриваете приближение дня оного. |
| 26Hot' olem opendanus tundmaha tot i üks'kaik ičemoi tahtol tegem grähkid, ka enamb ei ole nimittušt žertvad, kudamb pästaiži meiden grähkäd. | 26Ибо если мы, получив познание истины, произвольно грешим, то не остается более жертвы за грехи, |
| 27Ei ole nimidä, vaiše sudan opak varastuz da ažlak lämoi, kudamb om vaumiž sömha Jumalan vastustajid. | 27но некое страшное ожидание суда и ярость огня, готового пожрать противников. |
| 28Ku ken-ni tacib Moisejan käskišton, händast žalleičemata suditas surmale, sihe pidab vaiše kahten—koumen todištajan sana. | 28Если отвергшийся закона Моисеева, при двух или трех свидетелях, без милосердия наказывается смертью, |
| 29Ka meletagat iče, mitte kova openduz pidab antta sille, ken polgeb Jumalan Poigad, ei luge pühäks kožmusen vert, kudambal om iče puhtastadud, da huigenzoitab armoiden Henged! | 29то сколь тягчайшему, думаете, наказанию повинен будет тот, кто попирает Сына Божия и не почитает за святыню Кровь завета, которою освящен, и Духа благодати оскорбляет? |
| 30A mö-se tundem händast, ken sanub: — Minun om namestuz, minä maksan, sanub Ižand, vai möst: — Ižand sudiškandeb ičeze rahvast. | 30Мы знаем Того, Кто сказал: у Меня отмщение, Я воздам, говорит Господь. И еще: Господь будет судить народ Свой. |
| 31Om opak putta eläban Jumalan käzihe! | 31Страшно впасть в руки Бога живаго! |
| 32Muštelkat teiden männuzid päivid, konz tö olit vaiše päivänvauktale päzunuded. Tö tirpoit siloi äi mokid da gor'ad, | 32Вспомните прежние дни ваши, когда вы, быв просвещены, выдержали великий подвиг страданий, |
| 33konz teid se nagretihe, se ahtištadihe, vai olit neniden rindal, kudambad oliba mugoižiš-žo mokiš. | 33то сами среди поношений и скорбей служа зрелищем для других, то принимая участие в других, находившихся в таком же состоянии; |
| 34Tö žalleičit čapiš olijoid, tö hüväl melel vastsit sidä-ki, konz tuldihe da ottihe teiden kodielo; tö tezit, miše taivhas teil om parahim bohatuz', kudamb ei kado. | 34ибо вы и моим узам сострадали и расхищение имения вашего приняли с радостью, зная, что есть у вас на небесах имущество лучшее и непреходящее. |
| 35Ka algat tackoi rohktust, siš rohktuses tö sat suren paukan. | 35Итак не оставляйте упования вашего, которому предстоит великое воздаяние. |
| 36Teile pidab tirpta, miše täutta Jumalan taht da sada se, mi om toivotadud. | 36Терпение нужно вам, чтобы, исполнив волю Божию, получить обещанное; |
| 37Ved' Pühiš Kirjutusiš om sanutud: — Pidab völ kodvaine varastada, vaiše kodvaine, i tuleb se, kenele om märitud tulda, hän ei vitkota. | 37ибо еще немного, очень немного, и Грядущий придет и не умедлит. |
| 38Tozioiged eläb uskondal, a ku hän käraudase, minei se ei ole mel'he. | 38Праведный верою жив будет; а если кто поколеблется, не благоволит к тому душа Моя. |
| 39Mö em olgoi ned, ked käraudasoiš sel'gin i kadoba, a mö olem ned, ked uskoba i sil päzutaba ičeze hengen. | 39Мы же не из колеблющихся на погибель, но стоим в вере к спасению души. |
Глава 10