Выбрать язык
Книги Ветхого Завета
Книги Нового Завета
без русского текстаKIRJEINE EVREJALAIŽILE | ПОСЛАНИЕ К ЕВРЕЯМ |
Глава 8 | Глава 8 |
| 1Nügüd' olem azjan südäimes: meil om ülembaine pap, kudamb ištub taivhas Suren Jumalan valdištmen oiktal kädel. | 1Главное же в том, о чем говорим, есть то: мы имеем такого Первосвященника, Который воссел одесную престола величия на небесах |
| 2Sigä hän služib taivhaližes pühäkodiš, siš todesižes pühäpertižes, kudamban om seižutanu iče Ižand, a ei mez'. | 2и есть священнодействователь святилища и скинии истинной, которую воздвиг Господь, а не человек. |
| 3Kaikutte ülembaine pap om pandud tomha lahjoid da žertvoid Jumalale, sikš meiden-ki ülembaižele papile pidi midä-se toda žertvaks. | 3Всякий первосвященник поставляется для приношения даров и жертв; а потому нужно было, чтобы и Сей также имел, что принести. |
| 4Ku hän oliži man päl, ka hän ei oliži pap-ki, sikš ku sid' oma jo mugoižed papid, ked toba žertvlahjad käskišton mödhe. | 4Если бы Он оставался на земле, то не был бы и священником, потому что здесь такие священники, которые по закону приносят дары, |
| 5Hö služiba pühäkodiš, kudamb om vaiše taivhaližen kuvahaine. Ved' sanutihe Moisejale, konz hän zavodi tehta pühäpertišt: «Pidä hol't siš, miše kaik oliži tehtud sen kuvan mödhe, kudamb sinei oli ozutadud mägel.» | 5которые служат образу и тени небесного, как сказано было Моисею, когда он приступал к совершению скинии: смотри, сказано, сделай все по образу, показанному тебе на горе. |
| 6No meiden ülembaine pap om sanu äi kerdoid paremban služindradon, mi toižed papid, severdan paremban, miverdan paremb om se kožmuz, kudambas hän om kesknikan. Sen kožmusen alandusen oma parembad toivotused. | 6Но Сей Первосвященник получил служение тем превосходнейшее, чем лучшего Он ходатай завета, который утвержден на лучших обетованиях. |
| 7Ku ezmäine kožmuz olnuiži vigatoi, ka ei pidanuiži sen sijale tošt kožmust. | 7Ибо, если бы первый завет был без недостатка, то не было бы нужды искать места другому. |
| 8No Jumal löuzi vigan ičeze rahvahas. Hän sanui: — Kulgat! Se aig tuleb, sanub Ižand, konz minä tegen uden kožmusen Izrail'an rahvahanke da Judan rahvahanke. | 8Но пророк, укоряя их, говорит: вот, наступают дни, говорит Господь, когда Я заключу с домом Израиля и с домом Иуды новый завет, |
| 9Se ei linne mugoine-žo kožmuz kut se, kudamban tegin heiden ezitatoidenke siloi, konz otin heid kädes i vein heid Egiptan maspäi. Hö ei püžunugoi neciš minun kožmuses, i sikš minä-ki tacin heid, sanub Ižand. | 9не такой завет, какой Я заключил с отцами их в то время, когда взял их за руку, чтобы вывести их из земли Египетской, потому что они не пребыли в том завете Моем, и Я пренебрег их, говорит Господь. |
| 10Mugoižen uden kožmusen minä tegen Izrail'an rahvahanke neniden päividen jäl'ghe, sanub Ižand: Minä panen heid meletamha minun käsköiš, kirjutan ned heiden südäimihe. Minä linnen heiden Jumalan, a hö linneba minun rahvahan. | 10Вот завет, который завещаю дому Израилеву после тех дней, говорит Господь: вложу законы Мои в мысли их, и напишу их на сердцах их; и буду их Богом, а они будут Моим народом. |
| 11Siloi niken enamba ei opendaškande tošt mest, vel'l' ei opendaškande velled sanudes: «Tunde Ižandad», sikš ku kaik penespäi surhesai tundeškandeba mindai. | 11И не будет учить каждый ближнего своего и каждый брата своего, говоря: познай Господа; потому что все, от малого до большого, будут знать Меня, |
| 12Minä pästan heile heiden värhuded, en muštaškande heiden grähkid da pahut. | 12потому что Я буду милостив к неправдам их, и грехов их и беззаконий их не воспомяну более. |
| 13Pagištes uden kožmusen polhe Jumal ozutab, miše ezmäine kožmuz om jo vanhenu. A se, mi om vanhenu da kulunu, pigai kadob. | 13Говоря `новый', показал ветхость первого; а ветшающее и стареющее близко к уничтожению. |
Глава 8